Ministera goukanguki nekaro nawa Berhard Haufiku, kuna kumundindira agwanekere kumwe novanambudi mongurangura omu nakagava mbudi; munahamene nomfa domunona gonomvhura ntatu gomukadona mosipangero sepangero saKatututra omu kavahakwire munona ogu konyima tupu apa kazimuhumine mbwa.
Ekoro lyendi kavatente asi mukadona, Mwneneni du Plessis, kavamuwendere mosipangero, makura kumwe nokudogoroka konyima zoyo, nye vahakuli kapi vana hara kugava mbapira zendi zouhaku.
Du Plessis, oguhwe vendi Matheus Nekwiyu, katente asi munendi kapi kakere tavere, ndi asi anwe mutji nkenye posiruwo oso. Eyi kuna kara nkenye gumwe yikuretere magazaro peke nomapuro asi morwa sinke vana kuhorekera vahakuli mbapira zendi zouhaku.
Yinke eyi kavarugene yepuko? Toini Shilongo, ogu kakere asi kembo lyendi yiko kavakandingwire, siruwo oso kakahumwine kombwa.
Mweneni kudimba sure po Anemone Creche morukanda rwaKhomasdal, age ngavamutumbura asi “ Skapies” (nzwigona) Edina lyemembo. Age kazimuhomokerere mbwa kumwe nokumuhuma pongoro zendi age kuna kugenda kumwe nozinagona, Stella Shimoneni, omu awo kuna kugenda mositarata sa Hans Dietrich Genscher morukanda rwaShandumbalamoune wakapita. Shimoneni kumwe nokutwara munona ogo kosipangero saKatutura, omu ndokotora ogu kahakwire munona ogu katente asi muwaawa. Shimoneni yiyo katente asi ndokotora katente asi Du Plessis vahepa kumuwenda wenda zouhaku woyimbwa.
Awo makura yiyo kavazire komuhakuli ogu ana kara asi kwakulironga, kumwe nokuwenda munona ogu komapepe nagenye. Ozina gona owo yipo nye kavapwege nendi mosipangero age tauyunga asi ana hara kurara. Munona kapi kamonekere nawa, kumwe nokuhesera noudigu konyima zoyo, Shilongo katente asi apa nye kavatengwire mosipangero, Mweneni simpe kakere muzuni, makura ndokotora kumwe nokumutura kodrepa nokosuurstof. Ndokotora katente asi awo kuna kurugana nayinye moomu vavhulira mukuvatera munona ogu, nye kapi kavavhulire kuvatera. Age kadogorokere mosipangero poyiha yonovili 12h40, yimo ana kutanta Shilongo, omu kavavatanterere asi varugani womosipangero vana turamo nare makonakono mosihorokwa sangesi.
Muuyungilipo ministeli zoukanguki Ester Paulus katente asi nakukara epongo eli omu ministera nagava nombudi omu munahamene nendi domukeke ogu kadogorokere kouvera wahana divilisa.