Oshilando pangelo osha li she li pyakidila olomakaya yomexulilo shivike, konima eshi ovakalimo vo meni laWindhoek va penduka eengula domaufiku va ka tameke etondoko lavo lotete lokodula. 

Ehango lo Windhoek City Runners Club, olo lali la unganeka etondoko eli, ola li la kendabala oku mona ovakalimo ve li 2700, ovo veya koshikumungu shoku lotoka. 

Umwe womovatondoki Silpa Kanghono okwa ti, yee neudo okwa hala oku tula omadeu aye moilonga. 

Okwa lombwela Kundana kutya olweendo laye loku tondoka mengungo ngaashi eli hapo eli tameke neudo, okwa kala nale akufa ombinga okudja odula yadjako komahangano ngaashi Bank Windhoek, Old Mutual oshoyo oo City of Windhoek ngeenge tava unganeke oivilo yavo yomatondoko. 

“ Noku li okwa li ashike ndi wete efudo ta li ende kashona, opo ndi tamake omadeu ange aa ndi hole,” ta ti. 

Okwa ti oku tondoka oha kumupe eenghono, ko otaku tula omadilaadilo aye ponhele, unene tuu ngeenge okwa li ena oshivike she li pyakidila unene koilonga. 

Okwa twikilwa kutya natango oha emukwafele oku kalekapo oukolele waye, oo oha emupe omhepo iwa noipe yoku dilaadila nawa, noku ka tameka oshivike shaye nouluvi uli ponhele. 

Ovakufimbinga moudano ou ova tondoka eekilomita 15km no 21km. 

Etondoko la landulako vati ola teelelika li ka kaleko mo 28 March 2026. 

– taimihaihambo2000@gmail.com