Opolisi moshitopolwa shErongo oyili molukongo lwaalumentu yatatu mboka anuwa ya kwata omulumentu gwomimvo 28 kookondo nokumuyuga iinima ye.
Omunambelewa gwopolisi Tashiya Tuyenikelao okwa ti, oshinigwanima osha holoka mumundhingoloko Karibib moshitopolwa shErongo, lwopotundi 22h00.
Otaku hokololwa kutya omulumentu ngoka okwali ya tokelwa pamwe naanilonga pamwe naye yeli yaali, kolukanda Usab.
Sho anuwa yamana oya yi kopate yaka konga oolefa, ihe ka kwali taku zi ohauto. Yakwawo anuwa oya loloka okutegelela noya shuna kolukanda e taye mu thigi po.
Konima yethimbo anuwa okwa aadhika po kaalumentu yatatu mboka ye mu ponokele, e taye mu hula nokumukwata koonkondo.
Okuza mpoka, anuwa oye mu yugu ongodhi ye yopeke, ndjoka yali yina oshimaliwa N$300 koe-wallet. Opolisi oya kumagidha oshigwna shi yande okuenda uusiku momahala ganika oshiponga, unene ngele kayeli oyendji.