Opolisi onkene tayi kumagidha oshigwana shi hulithe po okulongitha iingaangamithi oshoka oyanika oshiponga.
“Kehe ngoka taka adhika niingangamithi otaka pewa egeelo lye lya gwana,” opolosi ya ti ngaaka.
Otaku fekelwa aakwiilongo oyo haya yakele iingangamithi yoshilongo, nonando oyeshi kutya inaga pitikwa moshilongo.
A a n o n a o y e n d j i o y a t h i g i po oo s i k o l a , ya yi momapandaanda, omolwa iingagamithi taya longitha.
Aanyasha oya hanagulwa po kiingangamithi, neilongo kayena nalyo, oshoka oonkalamwenyo dhawo oyendhi tula miingangamithi.
Opol isi otayi kumagidha oshigwana shi kale aluhe tashi lopota mpoka nenge ngoka ta landitha iingangamithi.
Tayi ti, aantu mboka inaya pumwa okukala moshigwana otaya teyagula po aantu, oya pumbwa okukala moondjendhililo.
Opolisi okwali ya nyenyeta ngaaka konima aalumentu yomimvo ndhopokati yeli yane ya mangwa po kopolisi sho oboonata yohauto kwali yalonda mwaandhika iingangamithi yoogalama 600.
Sha ikololela kepeko lyopolisi ohauto ndyoka okwali ya handhwa mondjila pokati kaWindhoek naGobabis.
Otaku hokololwa kutya ohauto ndjoka okwali ya suukulwa koboonata pethimbo opolisi kwali ya ningi opatolola mondjila ndyoka.
Opolisi oya ti iinganagamithi yoogalama 600, yongushu oyali ya kwatwako.
Aalumentu mboka okwali taya hingo ohauto osiliveli oNissan note. vkaapanda@nepc.com.