Oshilyo shomongundu yoPopular Democratic Moveme nt (PDM), Johannes Martin okwa gandja ombedhi kongundu tayi pangele, ta ti oyo tayi shololitha aantu opo ye ki inyolithe ya hogolole.

“Swapo ina gandja omatompelo gongushu nokuulika shoka a longo shomupondo omimvo 34 dha piti sho a kala ta lele, okugandja omukumo moshigwana opo shi kale shi na ohokwe okukutha ombinga momahogololo tage ya,” Martin goka e li wo oshilyo sho Central Committee yo-PDM ta nyenyeta ngaaka.

Martin ta ti, oshigwana osha teka omukumo, oshoka osha dhengwa sha luluma. Ta gwedha po ta ti, omwaalu ogundji gokuhogolola ohagu zi maanyasha, mboka ngashiingeyi ye li momapandaanda omolwoompito dhiilonga kaadhi po, otaya kala ye na ohokwe yokuhogolola ngiini ngele nayo itaya longelwa uuwanawa.

“Onda koneke kutya otwa endelela okudhika ootenda, mpoka tapu hogolelelwa, otwa ndopa okudhika ootenda dhokugandja omalongo kombinga yesimano lyomahogololo, oyendji kaye uvite ko kutya omahogololo oshike,” ta popi ngaaka.

Martin ta ti, okwa li ku na okugandjwa omalongo moshigwana opo ku fatululilwe kutya ngele taku popiwa omahogololo osha hala okutya shike nesimano lyago oshike.

Omupevi amushangandjayi gwongundu yoSwapo Uahekua Herunga okwa ti, omatompelo ga gandjwa kuMartin kage na ngushu. “Ngele aantu inaya hala okuhogolola itaya thindilwa o ku ho g o l o l a , uut hemb a wawo okukutha ombi nga momahogololo. Naamboka ye na ehalo lyokuhogolola Swapo otaya hogolola oshoka oye na einekelo nomukumo oshowo ehalo lyokuhogolola ongundu tayi pangele,” ta fatulula.

Ta gwedha ko kutya okudhana uudhano wu li ngaashi waMartin nongundu ye itaku eta po sha. Herunga okwa ti, oye na omukumo kutya omasiku ngoka ga kala ko oshigwana oshi na okukutha ombinga.

MoNamibia omu na aantua ya adha okuhogolola ye li omiliona 1,7. Okomisi yomaholololo moshilongo Omandaaha oya pititha kutya ngaashingeyi aantu ya pita pomiliona 1, 15 oya ishangitha. Omashango otaga ka ya sigo omesiku 1 Aguste.

-vkaaanda@nepc.com.na