Johannesburg – Aaniilonga yuundjolowele nonkalonawa ya adha po 24 000 moSouth Africa oya kwatwa komukithi gwocoronavirus, mwaamboka, 181 oya hulitha nkene omukithi nguka gwekomba gwa tamekele muMaalitsa, osho ominista yuuhaku ya li ya ti ngaaka mEtitatu. South Africa oye oshilongo sha dhengwa unene komukithi nguka muAfrica, shin a aantu 521 318 ya kwatwa, shoka shah ala okutya etata lyaantu ayehe mboka ya kwatwa menenevi.

Minista yuuhaku Zweli Mkhize okwa li a lombwele iikundaneki kutya omwaalu gwaaniilonga yomoshikondo shuuhaku mboka ya kwatwa koCovid-19 ogwa thikama po 24 104 nomaso 181.

Omahangano gaaniilonga okuza petameko lyetukuko lyomukithi oga kala nokupula kombinga yegameno miipangelo. 

Omasiku ngaka omwaalu gwaantu mboka ya kwatwa koCovid-19 moSouth Africa ogwa ya pombanda, ashike open a omwaalu gwa ya pevi ngele tashi ya kwaamboka taya kwwatwa kehe esiku. Ashike Mkhize okwa li a londodha kutya okuyele natango nokugandja uuyelele mbuka.
-Nampa