Edgar Brandt
Windhoek-Sikiliti sesitala ni kukateleha sa Zambezi siamuhezi musulo wa mali afita fa N$358,719 millilon mwasulo wa lizwelopili. Buńata bwapene yefita fa N$85 million ilibisizwe kwakuyaha mukwakwa wa chebechebe wa libima zemashumi aketelizoho oliba kwa Schuckmansburg.
Musulo omutuna wotatama ki wa N$28 millilon mwanjimo mwamungendenge wa lico zetala mwasikiliti. Liluko Lanjimo, Mezi ni Ninaheńi liamuhezi N$ 63, 41 million kwamisebezi yecwale kakubeya mezi kwa miyaho yakwamakenelo amiseto yebona zakamaiso ni kutatuba zanaheńi ni kamaiso ya limunanu. Kalulo yefita fa N$20 million ifilwe kwalikalulo zencinchana-chinchana zecwale kakuyaha malobalo abana balikolo, kuliulula ni kuyaha likhuta zasikuwa zenyinyani hamohocwalo ni kuyaha sincha libala lalifulai Lampacha.
Musebezi wa kuliulula mukwakwa wozwa Liselo kuliba Nkongola niwona wamuhezi N$20 million. Liluko Latuto, Zabuikezezo, ni Sizo lifilwe N$ 37.9 million kwamisebezi yecwale kuyaha hande likolo ni kuyaha libaka zatuto zamakopanelo, libaka kafoo baluti bafumana lituso mwamisebezi yabona, libaka zamakopanelo zamaitutelo mwasichaba ni kuyaha mandu abaluti. Liluko Lalizwelopili Mwalitolopo ni Libaka Zamatakanyani lona likafa lipulukelo zamali afita fa N$28 million mwasikiliti sa Zambezi unumwaha. Misebezi yelibelezwi kwaliluko le, kiye cwale kakuyaha sibaka samaofisi amuso asikiliti sa Zambezi, ofisi ya silalanda sa Linyanti, ni ofisi ya silalanda sa Kabbe sesikwa-mbowela.
Liluko Lamisebezi ni Linzila liamuhezi pene yelikana N$138 million mwamusulo wa 2017/2018. Misebezi yetalimezwi kwaliluko le, kiyecwale kakuyaha njanji kuzwa Cape Fria kuya Katima Mulilo, kuyaha hande misebezi ya mihala yamaofisi, kuyaha hande libaka zamatatubelo alimotikala, ni mańolo abukwaezi bwalimotikala. Mashelenyi amamwi nafilwe kwamisebezi yemimwi yebona zamakete mwasikiliti, yecwale kakuyaha libaka zalipatelanyana, kuyaha hande sipatela sa Katima Mulilo kungelela-cwalo ni kuchanfaza mayemo alibaka zabutokwa zamakete.
Aluhanyo kalikiliti 2017/2018
Khomas N$ 1,734 billion
Erongo N$ 622,397 million
//Karas N$844,208 million
Otjzondjupa N$653,578 millio
Oshana N$338,263 million
Oshikoto N$452,668 million
Omusati N$273,926 million
Omaheke N$203,051 million
Zambezi N$358, 719 million
Ohangwena N$311,736 million
Hardap N$243,796
Kunene N$190,147 million
Kavango East N$241,853 million
Kavango West N$157,331 million.