ǂAnsa mā!kharus ministers, Emma Theofelus ge ǂoa ge wekheb di Denstaxtsēs ai ge ǂanan, ǂhanub ge N$40 miljunsa a mîǁguisa ǂans tsî ǁnâuǂharugus Texnoloxib (ICT) sîsenǀgauga Namibiab !nâ khoraǂuis !aroma nî sîsenūhese. Nē ǁguiris ge dītsâdi ǀnâi hâ -ǁnâugu !gaeǁaredi xa ra dīhedi, !hūb di dixitale texnoloxib ǂnamipede ǀgaiǀgai!nâs ase. Theofelus ge nē ǂanǂansa Huawei Namibias tsî Pinnagle hâra ge Windhoek Country Clubs tawa ūhâ i gala !uiǂûs tawa ge dī. “Nē go a hâ ǁguiris ge sida ǁguiǂgāsensa ra ǀgaiǀgai, dixitale !âb ǀkhāb ai hâ !nubusiba gowaǀî tsî īǁkhāsiba ǀgaiǀgais tsîna. Ministers ge ge mî, Namibiab di ǁgūbas ǀguitikō-o!nâsib hîa dixitale texnoloxiba omkhâis !nâ hâba sī!nâs daob ai hâ, -ǁîb di dana omkhâisens ǁgūbadi ǀkha ra !gûǁǁarese.  Nē kurib !nâ da kurikorobe ra hâ ICT ǀHaosa ūhâ tide, xawe da ge gaxu ǁaeb !gâi!gâna nē !âb !aroma nî !khōǂgā projekn ǀkha a ǁaxa,” tis ge ge mî. “Daoǁgauhe ra !hūb di omkhâisens ǁ-guiǂuigu xase, Mûǂuib 2030 tsî !Naniǁî Omkhâisens ǀAweǁguib (NDP6) tsîna !khōǂgā hâseb ge Namibiab ǂhanuba ICT omkhâisensa ge aimâi, ǂhâǂhâsib âs nē da ûi!nâ hâ a ǁau!gôahe ǁoa xui-ao,” tis ge ge ǀaro. ǂOa ge kurib !nâs ge ministerisa LEAP Digital Talent Programme 2024 ǀkha ǁ-nâugusa Huawei Technologies Namibiab dis ǀkha, Shenzhens Chinab dis !nâ ge xoa!gao,. Nē proxrammi ge ǂâis âba dixitale ǁkhāsiga omkhâis tsî Namibiab ǂkhamkhoenaǁîǂgom!gâsens tsîǂhâbasa ǂansa mās, hoa xūn hîan hoa !hūbaisise dixitale sâuǁkhāsib !nâ nî !gâi!gâ-ūn ǂnamipe hâse. “Nē !khoaǁnôagusa tarena !khōǂgā hâ? Nē sîsen-ǁareb !nâ-ū da ge, !hūb !nâ hâ ITC māde nî kō!gâ, ûiûi!nâtsî ǂhâbasa !harodi ai sī-ū. ǁKhāti da geǁkhāǁkhāǂuisen ra ITC !âb !nâ studentn !aromaǁkhāǁ-khāsenrasesîsen!khaigu !nâ ǂansa ǁgauǂuis !ēde māhes  tsî !gao!gaoba -ǁguis, ǀasase nēpa xu nî ǂoaxa ǂâiǂui-aon surib nî domdore xuse. Noxopa nēs ǀkha ra ǂâi!nâ-ǁguihe !khais ge !gomsin tsî hâ a ǁgoaǂuin ICT !âb !nâna ǂanǂui tsî oresa hōbas di ǂansaben nî ǂoaxa tsî Namibiab di dixitale !âb !nâ a ǂhâbasa ǀkharaǀkharana dīsa,” tis ge ministersa ge mî.