Abraham Mwanyekange

Ominista yoikwamina, oikwanghono noindulukomwa Modestus Amutse okwa ti eendado domahooli itadi lunduluka momwedi Juni.

Omahooli opetrol mopaife oku li po N$23.48 molitela imwe omanga omahooli odisela e li po N$28.26 momwedi aushe ou.Amutse pefimbo ta yandje ouyelele shi na sha nomahooli okwa ti Ovanamibia inava kala ve na oumbada molwaashi komalimba oku na omahooli a wana. 

“Otu na omahooli a wana nawa komalimba etu. Katu na efiku tu ka kale tuhe na molwaashi apa hatu kufa natango inapa fita aishe oi li nawa nonghee inamu kwatwa koumbada washa.,”ta ti.

Okwa ti epangelo ota li twikile okuyambidida ovanhu valo okupitila moshikefa shopashiwana shikwanghono. 

Okwa ti epangelo ola longifa nale oshimaliwa shafika peemiliona omafele ahetatu lafutila ovanhu valo. Okwa ti momwedi Juni ota li longifa eemiliona 47 oku landa omahooli.

Okwa fatulula tati eendado domahooli edi dili potenga inandi faaafana. 

Okwa ti eendado topo tenga inadifa edi hadi di kodjo yomahooli, ta ti opena eyooloko lakula.” Okwa ti eendado topo tenga ohaveditulapo nelalakano lokwaamenenapo ovanhu oshoyo oku yeleka oinima nawa.

Mu Apilili eendado domahooli oda londa moNamibia molwo onghalo yoita mounyuni. Molwa elondo lomahooli mu Mei woneudo epangelo ola wedako keendado domeedjila neeplesenta 15. 

Osho sha ulika kutya ovalondi vomatuwa ovatameka okufuta shidulife osho va kala hava futu shito. 

Nanyeni Petrus hashingile mOngwediva okwa ti oku udite nawa eshi eendado domahooli inadi wedelwa omwedi ou. “Xwepo ngaho nonande natango omahooli okuna ondilo. Paife oshidjuu uhange ehauto liyadi omahooli komundoo,” ta ti. 

Okwa ti oimaliwa paife ota i topolwa pokati. Imwe oya uka keemboloto sounonona nokomahooli ta ti osha lula paife. 

Omanga Haulofu Johana omukalimo womOngwediva hakalongela kOndangwa okwa ti nonande eendado domeepate dawedelwa ovanailonga inava wedelwa. 

“Paife oimaliwa kaifi vali yetu oya uka ashike lomahooli, paife natumone nee efilonghenda opo keshe ominghona awedele ovanailonga vaye neeplesenta 15 napamwe xwepo,” ta ti. 

-amwanyekange@nepc.com.na