Khoekhoegowab, Languages

ǀAsase nî Zurich-ǀAeǁgams ǁga !oa!ū hâ anikuniǁkhanas ge !hū!nāsi !narisarimasa nî khui!nâ

2025-07-082025-07-08By Correspondent
ǀAsase nî Zurich-ǀAeǁgams ǁga !oa!ū hâ anikuniǁkhanas ge !hū!nāsi !narisarimasa nî khui!nâ

Sîsenao-i xa xoahe hâ

Air Connect Namibias ge ra ǁkhoreǁhare, ǁnāti ī ǁ­khana!oabas hîa ǀgam !nāra wekhekorobeEdelweiss anikunis xa, Zurich Anikuniǂgās tsî ǀAeǁgams Hosea Kutako Hoa !Hūbaisi Anikuniǂgās (WDH) hâra ­ǁaegu nî !khoe kaihesa.

Nē ǂâi!nâǁguisa ǁkhana!oabas ge Denstaxtsēs, 1 Gamaǀaeb 2026 kurib dis ai nî ǂnāǁnâ. Nē ǀasa ǁkhanas daob, Zurich-ǀAeǁgams diba ǂgâxa-ūs ge, Namibiab !aroma a kai xūse ī, ǁîba Europab ǂharugugu kha !hûǁ­ares !aroma. ǁKhāti hâ !gâi xū-i ge, Namibiab nî nauhâ Afrikab !Khawagas !hūgu !aroma ǂgâ-amse hâ tsî ǂgui !narisarimā-aona ǂgaesa.Hosea Kutako Hoa !Hūbaisi Anikuniǂgās ge nēsisa 12 !hūga ra !oaba, khoese ǁkhana!oabadi !nâ-ū. ǀNai hâ ǁkhana!oabadi tawa Edelweissa ǀaros ge, ǀAeǁgams di anikuniǂgāsa hoa !hūbaisise ǂapaǂoa kai tsî Namibiab di !haros hîab nau !hūgu di ǂgâ-ams ase ūhâsa ra ǀgapiǀgapi. Nausas, Fly Namibiasa, !hūb !nâ ǁîs aimâhâse 17 ǁkhana!khaiga ūhâ, xawes ge Edelweiss di ǀarosensa, ǀaxū-amese Europab ǀkha ra !hû­ǁare tsî ǁkhāti !kharaga!nâgu ǁhûixu ǁkhās īǁkhāsiga !narisarimā-aon tsî !hūǁî!nariǀhao-aon tsîna ra mā.

“Nē ǀasa ǁkhanadaob ge ǁkhanamas ǀguis ai nî ǂâi-aiǂnûihese ī tama hâ, ǁîb ǀasa !gaunas ase Namibiab tsî Europab !aroma ī amaga. Sida ge !gâise ra tsâ Edelweissa Namibiab ǁga ǁkhoreǁharesa.

Nē !hû­ǁares ge Namibiab di !harosa nî ǀgapiǀgapi, hoa !hūbaisi !narisarimas tsîhe ǁkhā !hūb ase tsî da ge sida nî ǁawoǁawo îb nē !hûǁares­ daoba hâhâ,” tib ge Bisey ǀUirab, Namibiab Anikunidi ǂNûiǂgās (NAC) di dana sîsenǂuira mâisaba ge mî. ǀUirab ge ǀaro tsî a mîs ge, nēs ra ǁgau !khaisa taren hoanab Namibiaba a sī!nâ ǁkhā !khaisa ǂhanub tsî aitsama mâbasen ǂnûiǂgādi sîsenǁareb hîa NACs, Namibiab ǁGuiridi Hirihiri!nâs tsî Omkhâisens ǀAwemā!nans (NIPDB), Gondwana Collection, Namibia Chamber of Commerce and Industry (NCCI), Walvis Bay Corridor Group, Namibiab !Narisarimas ǀAwemā!nans (NTB), tsî ǀAeǁgams !Ā!khōmais  ǀkha a !gaeǁ­aresa, ­în hoan xa a kai ǂharugugu tsîna. Air Connect Namibias hîa ge 2024ǁî kurib !nâ a ǂnuwihes tsî Namibiab Anikunidi ǂNûiǂgās xa ra !khōdanahes ge a !hûǁaresa ǁkhana !oabasa omkhâis îs nēs !nâ-ū !hūb !nâ ǂgâxas īǁ­khāsiga harahara.

!âǀhuru-aon ge NACs, Gondwanas, NCCIs, NIPDBs, Walvis Bay Corridor Groups, NTBs tsî ǀAeǁgams !Ā!khōmâis hâde.