Lahja Nashuuta

Ehangano lyokulonga oopate lyedhina Roads Contractor Company (RCC) otali kongo aagundjuka Aanamibia mbono ye na ontseyo noonzapo dhuutekinika opo ya ki ishangithe kepandja lyawo lyopaungomba meendelelo.

Eyindilo ndika olya zi mombelewa yomutse gwiiniwe mehangano Lizette Kakumai. 

Omunambelewa ta yelitha kutya ompito ndjika oya egulukila aagundjuka mbono ye na owino noonzapo miilonga ngashi Civil Engineering, Quantity Surveying , Heavy Equipment Operators, Land Surveyors, Architects, Town noRegional Planners. 

Ta tumbula wo kutya ,ompito djika oya yelukila owala aagundjuka Aanamibia mboka ye na oonzapo dha tumbulwa metetekelo ihe kaye na iilonga.

Oonzapo otadhi tumwa kepandja lyo-RCC lyopawungomba ko www.rcctalents.com. Aagundjuka mboka ya pumbwa omauyelele ,otaya indilwa opo ya dhenge ko 061 2979000 nenge ta ya shangele ko email ndjika Lizette.Kakumai@rcc.com.na . 

Nesiku lyahugunina okugandja omikanda 31 Maalitsa 2026.

Pamanyolo okuzilila kombelewa yi na sha nomayalulo gaakwashigwana moshilongo ano oNamibia Statistics Agency (NSA), oopelesenda 38,1 dhaagundjuka moshilongo kadhi na iilonga. Omishangwa odha ulike wo kutya oopeleseenda odhindji dhaagundjuka mbono y ena oonzapo okuza kiiputudhilo yopombanda otadhi kambadhala nuudhingu okumona iilonga mbyono ye na otseyo noye yi ilongela. 

-lnashuuta@nepc.com.na