Taimi Haihambo 

Jesus Christ of Latter-day Saints ti ǀonhâ kerkheb ge 3 561 !omǂkhanide !nani sekondere skolgu ǀkhomas ǀkharib diga ǂoa ge wekheb !nâ ge ǀkhae. 

!Omǂkhanidi hîa Hurigowab, Mateses, Fisiks-i, Xemesterib, Accounting, !Nae!khaidi, Bioloxib, Xeoxrafib tsî ǂHarugub ǁGau!nâs hâna khōǂgā hân ge !âubasensa !oa nēsi hâ ǀorosib !omǂkhanin dib tsîn ǀgui ǂkhanisa ǁaupexa !nani ǁkhāǁkhāsenaona ra ǀgoraguba nî ǀkharaǀkhara. 

“Nē ǀkhaeb ge kai ǀkharaǀkharasiba nî hā-ū,” tis ge Womba Nashiwayas, nē kerkheb di ǁanisa ge mî. 

“Sida ge ǀhûhâsiga omkhâis !nâ ra ǂgom, sida ai!gûgaru khoesiba omkhâis ǁgûbas di !âse, nē sîsenni hîa da ǁaupexa disi kurigu xa a !nāsa ǁaeba goaxa-ūba. Kurigu !kharu hâse da ge !kharaga projekn ǀkha ge ǁaxa i, ǀhûhâsiga omkhâis ǀkha !gaeǁaresa ūhâse, aiǁgause !anu āǁgam-i, ǂurusib tsî skolga ǂkhâ!nâs hân khami. Nē xūna dī ǁkhās ǂnamipe da ge kerkheb ǁanin di !hae huiba ǀgawasa ra ūǁnâba. ǀGui !nāsa ǁkhâkoroben ge ǁanina ǀgam ǂûra ǂû tamase hâ tsî ǁnā maride ǁnān hîa ǂhâb nâ hâna huis ase ra ǀkhae. 

Nē ǁnaetib ge nē kerkheb di 17.5 miljun ǁanin !hūbaib a ǂhabase hân xa ǁnaetib ase ūhâhe hâ. 

Sida ge 1 200 ǁanina Namibiab !nâ ūhâ, koro ǀhâohâga xu !hūb a ǂhabase hâse. Mâ ǀhâohâb hoab !nâ-i ge ǂgaeǂgui-aona, hîa ǀhûhâsigu ǀkha ǂōrisase sîsenǀhao, ǁîn ǂhâsiga ǂanǂui tsî mâ ǀgaugu ain nî huiba māsa ra ôa-amna ǁgaumâisa. 

!Omǂkhanin ǂnamipen ǁîna ra mîs ge, nēs ǀkhan nēsi hâ !gommi ǀguiba oresa hōba tama hâ, xawe !goaxa ǁaeb Namibiab ǂkhamkhoesib dib !nâ ra ǁguirisa. 

Nēs ge ra ǂâiǂâi!nâ da, ǂkharirose ra dīhe !gâidīb ra ǀhûǁarebese i ra dīheo, o kai tsî mûmûsa ǀkharaǀkharasiba hā-ū !khaisa. 

“Sida ǁgūbas ge”, !gomma ra tsâna supusupuba, aitsama ǁgūtsâbasensa ǂgaoǂgao!nâ tsî nauna huikhâisa, nēsin ga a taris ǀguisa hî xawe.”