Konyara nomwenyo dovantu dokusika ko 502, edi tuna zumbanesa komahundi gomonzira muvhra ezi, kuna kumoneka nawa-nawa asi simpe kuvhura tukazumbanese nomwenyo moyivike yongandi eyi yina kara komeho siruwo oso muhoko guna kuliwapayikira mokuza mosinema sepwizumuko. Eyi yina kara asi awo kuna kuliwapayikira moyiviyauka yomononzira, mbunga nye zoMVA, novaholi vawo valituramo asi vakeverere nonzira, kavatulisire paveta elikwamo Xupifa Eemwenyo ‘Tupopereni nomwenyo’ elikwamo eli lyakarapo lyokukeverera nonzira.
Elikwamo eli lina kara nye lyankenye mvhura, nkenye apa kukarako siruwo sesi mwankenye mvhura, kutunda tupu apa valitulire melikwamo mo2005, nositambo asi vakeverere kuzumbanesa nomwenyo mononzira, siruwo esi sepwizumuko ntani kupitaka nye siruwo esi.
Mvhura nye ezi 2012/2013 elikwamo eli kuna kara nye nedemeneno pomuhowo, kuvatera vataruruli noveta, yipo asi vaPorosi vasikisemo sirugana sawo, moomu yawapera pwahana malimbiko nkenye, vahepa kutara asi varuganesi nonzira vahasinga oku kuna kuruganesa yikorwesa nokutara asi vahakara nomakurusingilira.
Mavango gokukeverera varuganesi wononzira ngava gaturapo, ntani vaporosi ngava kara vana vukapo povango ogo vakeverere asi varuganesi nonzira kuna kudiruganesa kukwama moomu dakara noveta donzira. Mapuko aga gakara gadivikwa gomakururondekererera, kusinga makuru singa, kusinga oku kuna kunwa yikorwesa, mahauto gana kara asi kapi gana wapere monzira ngava yikeverera unene, ano varuganesi mapuko nonzira hawe owo ngava gwana nye eyi yavawapera, kukwama nomukaro dawo.
Simwe esi ngava tara kuna kara, kugava erongo kovaruganesi nonzira asi udona musinke wakara mokuruganesa nzira momukaro dona ntani kusinga momudona. Melikwamo nye olyo, muhoko gwahepa nye kudiva asi udona musinke una karamo mononzira detu. Simwe sina kara asi sanatuvenye, erongo ntani kutulisapo malikwamo, yilikidiso mokuronga mokugava asi ngapi noruganesa nzira ngavayigavera kovaruganesi nonzira siruwo esi tuna kara asi elikwamo eli moyirugana lina kara.
Momvhura 2011/2012 sepwizumuko, vantu wokusika ko 938, kwaremanene momahudi gomahauto. Dogoro nayina apa tuna kuuyunga ngesi vamwe owo varemanenemo simpe kuna kara mourema, ano vamwe varemanenamo dogoro narunye. Ano mberewa nye ezi zo MVA, azo kuna lituramo asi vantu vangesi vahepa kugwana uhaku ou wavatumbukira, ntani monominute edi lina kuhoroka ehudi eli.
Eyi yina kutwaredera asi awo kuvhura vagwane mbatero ntani kuvhura yikare asi tavaparuka nawa.