WINDHOEK- Ombelewa yekotampamngo moshilongo osho ya ikanyuna kutya kapu na omapulakeno goshipotha shi na sha niimaliwa yoKora pokati o Namibia Tourism Board noMundial Telecom Sarl ge li meholamo.
Director gwopevi mombelewa yomakwatathano gaakwashigwana Ockert Jansen okwa shanga kutya ombelewa ndjika yomakotampango oya ndhindhilika kutya oshigwana osha hala omapulakeno goshipotha shoka ga pulakenwe kuuthano, ashike okwa ti kutya kapu na omapulakeno gwompangu taga pulakenwa pamathano , kakele shila ngoka ge li pondondo yokatendo 12 kekotampango.
Janson okwa ti shika niitya yimwe otshi ti kutya aakwashigwana itaya kala ye na nenge taya vulu oku palakena oshipotha shika.
“Onkene mboka ye na mo olunyala moshikumungu shika otaya vulu okuya moonkundathana ashike oye na uuthemba okukala ya mwenena oshinima shika ngele ya tsu kumwe nokukala ya tula shika momutumbafuto, mwa kwatelwa uuyelele noonkundathana dhomutumbafuto,” osho a yeleke ngaaka momulombo ngoka a tumu moshigwana, etiyali lyoshiwike shika.
Okwa hokolola kutya ompangu oyi wete shuuka noshi li mondjila ngele mbaka ya tsu kumwe opo ya kale yi ifutila iimaliwa mbyoka omanga oshipotha inaashi ya moompangulilo, opo pwaa hepekwe oonzo, ethimbo lyohofa noshowo oshimaliwa koomuma.
Onkene Jansen okwa ti ngele etsokumwe okuya momutumbafuto kondje yoveta onkene ngaa omapulakeno mompangu taga tsikile notaga yi komeho moshinima shika.
Omutotipo gwongundu yoAffirmative Reposition Job Amupanda okwa li a shanga omukanda tagu pula kutya omolwashike oshikumungu shoka shiimaliwa mbyoka oyindji moshilongo tashi pulakenwa paholamo omanga iimaliwa oyindji mbyoka ya li yi na okuhumitha oshilongo komesho ya kana. Okwa li a totha mo kutya nonando iipotha yilwe otayi vulu oku monika komalungula, kepandja ndyoka tali ithanwa E-Justice, okwa kumwa kutya oshipotha osho tuu shoka osha kuthwa mo, nelalakano lyokukeelela aakwashigwana ye shi landule.
“Shoka oshi li tashi piyaganeke noonkondo adhihe onkene ye onga omuhwahwameki gwiinima oyindji moshigwana ita thigi emanya lya londa kekwawo moshikumungu osho tuu shika,” Osho a hokolola ngaaka montumwafo ndjoka a andjakanitha komalungula.