Otjomuise- Ongamburiro yo Swanu ndji ha teratera itja o u yara no ma sepero wo mbinÿu ngu kuza o Capitalism, ovi¿a eyuru nehi mbi ha wana mbi hasere oku sasanekwa poo oku kutwa kumwe.
Operesidenda yo Swanu, Onongo Tangeni Iijambo wa tjere po ma zemburukiro wo zo mbura o 60 zo ma u tiro wo Swanu ngari poruveze indwi rOmihoko OmikuÞasane mo Katutura ndu kuza o UN Plaza. Tjiyari 27 ku Ndenga¿i mo 1959 o Swanu o tji ua utirwa mo Ruvanda. Iijambo wa tjere mena ro ku hina onÿikameno ndjiri mo va kwaterea va Namibia, ovengi vawo mberi mo hangauti nu mbe rihinga oku kerihavera kozongoro. Mu nao o Swanu otji ma i karerere etjeraka no wondjoze yo tjingi tjovandu mbe kondja nehupo.
Wa tjere o Swanu ikambura kutja o tji tamba o tji kutuke tjo ma u nguriro no ma randisiro wo vi¿a otji tjiri o tji karere no tjiungurire tjo vandu ka tji tjiri otjihona vatjo. Otjo no tutu two mbirivate otu harupu kanaa tu kara no vi hape vyo u yara, vyo u semba no vyo ku Þekisa pamwe. “Munao o tji ma tu nakaura oma sepiro wo mbinÿu ngu ma yeri tupukire no ku rikarera ku kwa pirama,” Iijambo wa tjere.
Ongaro ndji ri mo Namibia nai ya pirama ngaa mourekoto wayo no tjipo no ma putarero wo ma sepero wo mbinÿu ye munikira ko ka ngamwa po¿a mo ma hupo wetu; o ma nyomokero wo zo ndjo mo zo nganda; o ma handjaukiro wo zo nganda zo zondjo no vi tjitwa vyo tjiwova; oku hina vyungura ko ma hapu wo vandu; ozo ngatukiro; o ku zarasana no ku tjindasana neraka ronyengo, o u nuhoko hoko, o u korokope netiku.
“Munao otji twasere oku o ku yaruka ko ma u tiro mena ro kutja ongutukiro ya Namibia ndja randisiwa ka naa yatona o ku yeura ovandu vetu mo u siona,” Iijambo watjere. “Mo ku ri yandja ko ma sepiro wo mbinÿu wouye o ku tuurungira mo Zongunÿe zo 1982 zo Ngunÿeveta, twaisa omuvero omuna makuruhungi wo ku Þuna o ma tokero oma pame wo nÿunino yo tjiwa¿a, ombwiko no porotika nga ku ramena ovandu vetu, kombunda yo ma kuruhungi o maihamise wo mayekero, oma sepiro wo mbinÿu no ma humbiro no tjitandi tjo huurire yo va handure vo va Ndoitji na South Africa Nombangu yOtjivara,”Iijambo watjere. Mu nao watjere otjeri o hepero o ku tanda ondjira ombe ndji hina o ma sepiro wo mbinÿu onguture yo tjiwa¿a no ndjetjisirasaneno ya katjotjiri. Tjingetjo o Swanu ma i ri yandjere ko mu rungu ko uyenda wayo ouna ma kuruhungi wo ku kotora ehi no u tumbe wo tjiwa¿a koveni wawo mberi otjingi tjo tji kumutundu tjovandu mba hangauka.