Omudhani gwiinyandwa gwokonooli Mathew Shipushu, a tseyika nawa nedhina Fimbiko ota fumbikwa ngula komukunda Uukwanashikale pomawendo gIipanda Yaamiti okuziiilila mongeleka yaKatoolika mOngwediva. Oshituthihupulitho she otashi kala ko nena mEtitano poMayors Park mOngwediva, tashi tameke potundi 13h00. Fimbiko ngoka a valwa momasiku 4 Kotomba 1992, okwa li a hulitha ongula yOmaandaha moshipangelo oshinene shaShakati, omasiku sho ga li 10 gaFebuluali.
Mathew ngoka e li omvalele yokomukunda gwedhina Onakiidhi mOndonga okwa putukila mOngwediva nokwa sa mepipi lyoomvula 28, na ina thiga ko nande omunona.