Victoria Kaapanda
ONGWEDIVA-Okanona komimvo 11 ka yandwa koolwaadhi noku sa, momukunda Onawa moshitopolwa shaMusati Olyomakaya ya zi ko.
Omugandjimulombo gwopolisi moshitopolwa shaMusati Lineekela Shikongo okwa ti oshiningwanima shoka osha holoka lwopotundi 18h00 yokonguloshi momudhingoloko gwaAnamulenge.
“Okanona hoka taku hokololwa kutya okwa li haka hiti posikola Kleopas Dumeni Combined School, oka li taka ende mepya lyaandjawo ethimbo ka yakulwa po koombadhi noku sa ethimbo olyondoka,” Shikongo ta ti ngaaka.
Okadhidhilikwa onga Aina Shilongo. Aakwanezimo yako oya tseyithilwa.
Oshiningingwanima inashifathana opolisi moshitopolwa shaShana oyi li molukungo lwohauto ndjoka ya yakwa molukanda Uupundi mOshakati.
Omupopiliko gwopolisi moshitopolwa shaShana Thomas Aiyambo okwa ti ohauto ndjoka oya yakwa okupendukila Osondaha potundi 05h00.
“Ohauto ndjoka oya yakwa pegumbo lya mwene gohauto, sho omuthi ngoka eyi yugupo alongitha oshinima ka shishiwike oku yitema nokuyihingapo,” Aiyambo ta ti ngaaka. Ohauto ndjoka o double cab Toyota, Hilux 4×4, oyina aniwa oondjila mooha ontiligane. Ohauto ndjoka oyongushu N$ 120000.
Opolisi otayi indile moshigwana kehe ngoka ena uyelele mpoka pena ohauto ndjoka alopotele kopolisi yi li popepi naye.