Opolisi oya ekelehi ohapu yomawi taga itaambathanwa kosocial media, ngoka taga popi anuwa koRundu oku na illuminati.
Omutse gwoshikondo shokupopila ko opolisi nokugandja omauyelele koshigwana, Deputy Commissioner Kauna Shikwambi okwa ti omawi ngoka taga i taambathanwa oge na uuyelele gwiifundja. Omawi ngoka ota ga londodha oshigwana kutya moRundu omu na illuminati, naantu ye li 25, oya sa nale ko Katima Mulilo lwopo 03h00, sho ya yamukula oongodhi yedhi dhengelwa konomola yontumba noshigwana otashi kunkililwa kaashi yakule nando oongodhi tayi zi konomola ndjoka, nenge yeyi yamukulithe kaakwapata nenge kookuume oshoka ogodhi ndjoka ohayi eta eso. “Opolisi yaNamibia oya hala okukunkilla oshigwana kutya uuyelele mbuka tau i tambathanwa owiifundja notagu pukitha oshigwana,” Shikwambi ta ti.
Shikwambi okwa kumagidha aakwashigwana opo ya ikaleke kokule nomauyelele taga itaambathanwa komalungula kaage na uukwashili, nokwa pola oshigwana opo kaashi longithe osocila media nuuhasha.
Ta ti wo aakwashigwana naya kale taya tala nawa noku pula aanambelewe mboka ye na ontseyonawa ngele taya uvu iinima tayi ya limbilike.
Omitoto dho illuminati otadhi inyenge muuyuni aguhe, anuwa pu na ongundu yaantu mboka ya tota ehagano lyawo ndjoka tali pangele uuyuni aguhe, nota ku tiya aantu mbaka oyo taya eta omalunduluko ogendji muuyuni.
Uuyelele mboka wa faathana naangoka taagu popiwa koRundu, owafaathana nagumwe wali tawu itaambathanwa natango komalungula mo2017.
-Nampa