OTJOMUISE- Otjimbumba tjOvaherero va Mongua tjitjihina ohange otjiveke ihi tjatoorore ouyenda auhe okuza kOmnongua okuya kOtjomuise okuye kuhakaena novakuramenepo vohoromende mokukawondjisa ongondjero yatjo kutja ohoromende izemburuke ombara yatjo “ngutjaurika” Jonathan Tjijorokisa otjanguri ombara yakatjotjiri ndjapuire yOuhonapare wOvaherero wOmbazu.
Pombongarero yozombuze erero uno, omuhungirirepo wotjimbumba ihi, Nehemia Kaatura, matja owo omberi ovanane vOuhonapare wOvaherero wOmbazu mbuapuire nu vakatjotjiri owo mbuazemburukirua iyohoromende mOmongua. “OtjaeÞe katuyatuapo omundu warue kangamua okuza konÿiro yOmbara Kuaima Riruako, omundu erike otjorata yombazu yOuhonapare wOvaherero wOmbazu mo Mongua nguaurikua kohoromende o Jonathan Tjijorokisa nu ngaa kundinondi ngunda tuundja omazemburukiro wohoromende,” Kaatura matja. “OweÞe ouhonapare peke neÞe tutara kovandu mbeturira mol Mongua,” eye matja tjapurua kutja tjii hapo veri kehi yOuhonapare wOvaherero wOmbazu wohahende Vekuii Rukoro poo indee.
Otja ku Kaatura otjiwana tja Mongua katjizemburuka Rukoro otjomunane wombazu wa Mongua mena rokutja eye katurire mOmongua. “Tunombara yetu oveni Tjijorokisa ngukarapo okuza komananeno wa Riruako, nu ndoovazu Riruako wari Ombara yOvaherero mo Mongua okutja wasere okuyarukiruapo iyomundu mo Mongua. Munao eÞe otjo tjiwa¿a tja Mongua otjituayandja ondunge kohoromende kutja o Tjijorokisa,” mahandjaura nao. Kaatura matja nai Ouhonapare wOvaherero wOmbazu wa Mongua uzemburukua iyohoromende posio kapena ovature va Mongua vepuisiwa iyozomburo zohoromende nÿayandjua kotjiwa¿a. “Otjotjiraisiro, etemba rohoromende ndayandjua kOuhonapare riripi, norata i¿e nai ndjisutua iyohoromende?,” eye mapura. “Ete otjovanane vombazu kanaa tuungurire otjiwana nokuhina ozomburo okuza kohoromende,” Kaatura matja. Posia matja otjimbumba ihi katjina okupirura ouhonapare wombara otjitambi Rukoro ndoovazu kauna kurirunga mOuhonapare wOvaherero wOmbazu wa Mongua. “OweÞe ouhonapare wombazu tjimuna wa Maharero mOtjinene na Kambazembi mOkakarara,” mahandjaura.
Tjapurirue otjimbumba ihi, o Ministera yOmananeno wOtukondua nOzongomainde, Omakuizikiro wOmaha nOmekurisiro wOkozombanda, o Major Ngenerara nai nguatuapehi otjiÞo ihi, Charles Namoloh, watjere eye kenondjiviro natjo. “Momunu kutja ouhona wOvaherero oukurungise nandarire ami omuini hitjiwa kutja u¿e ou¿e,” Namoloh matja. “Nondengero aihe Rukoro tjatjita omaningiriro okuyarukira po Riruako, orutuu romaningiriro ruasere okutjitua iyOrata Onene yOmbazu posio motjina ihi Rukoro omuni onguerutjanga,” Namoloh maweza nao. “Omundu moundjireko ktuja ovandu imba vasere okutjiwa omirari posio ihi otjitjatjitua,” matja.
Ngunda aperi otjirata tjOzombara zOvaherero otjiveke ihi uhaama mOtjomuise okuripurira kovi¿enge peke peke okuza komerinaneno wotjiwa¿a nganduu kuimbi mbietjikendeka mumuna wina ombazu yomuhoko ndjiyenda amaikoka nganduu kozongaro zovanatje pozonganda ozo ndemunikua ayo wina muzo mongaro indi muna orupe rombazu ndjazooka. Ndinondi ombongarero indji otjimaiya komayandero.