Omunambelewa wopolifi weedula 42 Nghitewapo Kornelius okwa kana nota kongwa kovakwapata vaye molwaashi ova limbililwa kutya oku li peni.
Omupopiliko wopolifi moshitukulwa shaShana Inspekta Thomas Aiyambo okwa koleka ta ti Kornelius okwe lixulwa okumonima omudo wa dja ko momafiku 29 Desemba.
Otaku hokololwa kutya omupolifi ou okwa li ha di mOshakati nokwa li ta longele poshitaashi shaShakati.
Okwa dile komukunda Omundudu moshitukulwa shaHangwena.
Kornelius okwa li a teelelwa okukala a tameka oilonga momafiku momafiku 8 Januali neudo ashike koilonga inaya ko.
Aiyambo okwa hokolola ta ti opolifi nofamili yaKornelius oya ninga eenghendabala nokudengela ongodi yaye ashike kai li momhepo.
Ovakwapata vaye ova ninga omapulapulo keembinga neembinga ashike kape na ouyelele kutya oku li peni.
Oshiwana otashi indilwa kwaau e na ouyelele opo shi kwatafane keenomola dongodi 0812090336 ile 0812045696.
Oshiningwanima shikwao, opolifi moshitukulwa shaHangwena otai kongo omulumenhu omunadolongo vati e livaka koshitaashi shopolifi yaShikango onghela.
Opolifi otai indile moshiwana kwaau e na ouyelele kombinga yomunadolongo ou opo shi lopotele opolifi keshe i li popepi.