Okaana keedula 10 vati oka kwatwa onghonga kovalumenhu vavali, ovapambele vako.
Ovafekelwa ava oxe yokaana weedula 29 omanga omufekelwa umwe ou e li xekulu a dalwa na ina yokaana oku na eedula 31. Aveshe ova kwatwa po.
Oshiningwanima osha ningwa kofaalama yedina Groenhoek ili koAroab pokati komwedi Anguste naDesemba omudo wadja ko.
O m u k u l u n h u k o s h i k o n d o shokukonakona oimbuluma mopolifi moshitukulwa shaKaras, omupedu Commissioner Nicodemus Mbango okwa hokolola ta ti okaana oka kala nokukwatwa onghonga lwoikando ya yooloka meumbo lavo pefimbo ina a pita mo.
Ota ku hokololwa kutya ina yokaana efiku limwe okwa didilika omona ta ende ta shongola nokonima okwe mu ningilwa omapulapulo.
Okudja opo okaana oka lombwela ina kutya oha ka ningilwa ominyonena dopaixulo kuxe naxekulu nokuningilwa omatilifo.
Opolifi oya hokolola tai ti okaana oka twalwa koshipangelo kuina opo ka ningilwe omakonakono nokonima ovapangi ova lombwela ina kutya okaana oka kala nokuningilwa ominyonena dopaixulo.
Oshiningwanima shikwao, omukainhu weedula 28 e na oudu wopamadilaadilo okwa kwatwa onghonga ku walye oshivike sha djako.
Oshiningwanima osha ningwa modoolopa yaRehoboth efimbo lomutenya.
Opolifi onghee nga tai kumaida ovadali va tonatele ounona voukadona unene tuu ngeenge tava di mo momaumbo molwashi ounona paife ova ninga oihakanwa yokukwatwa onghonga kovapambele vavo.
Ovakainhu otava kumaida yoo vali opo va kotoke ngeenge tava ende oufiku ile ngeenge tava nu omalodu novalumenhu opo kukelwe va kwatwe onghonga.
fhamalwa@nepc.com.na