Ovanhu ve li 57 ova xulifila moiponga i li 403, oyo ya lopotwa pokati komafiku 17 Novomba 2023 fiyo omefiku 1 Januali neudo.
Omukulunhu koshikondo shelongifo yoyeendifo omupedu Commissioner Petrus Swartz okwa ti ovanhu ve li 724 ova mona oshiponga sha pitila moiponga yomeendjila ya ningwa pefimbo lomatango manene neudo.
Ava ove dule povanhu 13 ovo va li va mona oiponga momudo 2022 pefimbo ngaali.
Swartz okwa koleka kutya oiponga yomeendjila ya ningwa pefimbo lomatango manene momudo oya londa pombada mokufaafanifa noiponga i li 382 mo2022/23 omo mwa xulifila ovanhu ve li 66.
Swartz okwa ti moKhomas omo mwa lopotwa oiponga yomeendjila i li 116 nomwa xulifila ovanhu 10. Erongo olo la landula ko noiponga 49. Ovanhu vaheyali ova xulifila mo.
Oshitukulwa shaMaheke osho shimwe sha lopota omivalu dinini doiponga oyo i li ashike itatu nomunhu umwe a xulifa.
Swartz okwa kumaida oshiwana opo shi twikile okuliufa komadidiliko omeendjila noshoyo okulikelela okushinga va kolwa.