OSHAKATI-Uuna ominino dhomeya dha topa, ihe inandhi longwa mbala, ohashi hepitha omeya niifuta yomeya ohayi londo noonkondo, onkene oshigwana otashi kumagindhwa shi kale tashi lopota iiningwanima mbyoka mbala.
Omunambelewa omukuluntu gwokugandja omauyelele melelo lyondoolopa yaShakati Katarina Kamari okwa ti, kehe ngoka taka tsakaneka ominino dha topa nalopotele oombelewa dhawo.
Natango okwa ndhindhilikwa omeya haga hepa uuna aafuthi ya yaka po oomita ndhomeya.
“Uuna ominino dha topa odha pumbwa okulopotwa opo dhi longwe meendelelo,” ta kumagidha ngaaka.
Ta ti, ominino odha pumbwa okulopotwa uuna dha yonuka, opo omeya kaa ga hepe.
Olwindji ominino ndhoka dheenda moondjila, ohandhi vulu okutopa, ihe omeya taga hepa.
Malakia Ashivudhi gwomomukunda Othingo, muuninginino wOshakati okwa ti, okwa loloka okwaadha omunino gwe gwa tetwa ku walye, nomeya ngoka ohaga tondokele mokandombe komeya keli
pooha.
“Otandi fekele aanamukunda mboka haya nwiitha iimuna yawo mokandombe moka. Nonando ndi ya pule kutya olye ateta opaiyipi yandje, ohaya ti kayeshiwo,” ta nyenyeta ngaaka.
Mayola gwondoolopa yaShakati Leonald Hango naye okwa li a kumagidha wo oshigwana shi hulithepo okuteta po omiti.
Hango okwa kumagidha oshigwana ta ti, nashi kale oshinakugwanithwa sha kehe gumwe okutsika omiti.
Ta ti, omiti ohadhi dhana onkandangala mo mikalo ndha yooloka, nodha simana wo monkalamwenyo yo muntu kehe.
“Omiti ohadhi opaleke oondoolopa, ohandhi gandja ombepo no hadhi koleke uundjolowele lelo lyondoolopa una sha tsakaneke ominino dhomeya dha topa moondjila nenge kehe pamwe mondoolopa, opo dhilongwe meehendelelo.
Kehe ngoka taka tsakaneke ayihe yazi noku tumbulwa, na lopote konomola yopeke, konomola 0812947119.
“Ota tu kumagidha wo natango oyene yiimuna hayi kala mokati kondoolopa opo ya kale taya kongolola iimuna yawo, kaayi we mokati kaantu,” ta indile ngaaka.
Ta ti, iimuna otayi vulu oku eta iiponga una tayi taaguluka komeho giihauto.
Ta gwedha po kutya ihayi ulike ethano ewanawa mondoolopa, ondoolopa oyina okukala ya wopala no ya yela.
“Uuyogoki owa simana onkene oshigwana oshi na okukala tashi opaleke omalukalwa gasho oshowo omidhingoloko dhasho opo kuyandwe omikithi tadhi vulu okupitila moongaga,” ta popi ngaaka.
Ta kumagidha oshigwana shaShakati kutya, nashi kale sha tula uuyogoki komeho.
“Onda inekela kutya kehe gumwe okwa hala ondoloopa ndjika yi hume komeho, pamukalo gwomayakulo gayooloka, ihe shoka otashi ningwa ashike uuna ondoolopa ya yela, oshoka kape na ngoka ta hala, oku eta ehumo komeho mehala lya gagala,” ta ti ngaaka.
Ta ti, uuyogoki otawu kala po ashike uuna, kehe gumwe tewu simaneke noku wu tula miilonga.
“Ondoolopa otayi kala ombwaanawa uuna ya yela,
onkene otandi, tsikile okuku magidha oshigwana shaShakati shi kaleke po uuyogoki,” ta popi
ngaaka.
– vkaapanda@nepc.com.na