Opolifi moshitukulwa shaShana otai konakona oshibofa shokaana kokamati keedula hetatu oko vati ka kwatwa onghonga kuxekulu meumbo lavo.
Oshiningwanima eshi osha ningilwa modoolopa yaShakati neudo muJanuali pefimbo kwa li omufekelwa e li nokaana meumbo omanga ina a ya koilonga.
Vati omufekelwa weedula 28 omumwainamati waina yokaana oko ka kwatwa onghonga.
Omukulunhu wopolifi moshitukulwa shaShana Commissioner Naftal Lungameni Sakaria okwa hokolola ta ti okaana oka kala nokukwatwa onghonga oikando ya yooloka okudja omudo wa dja ko.
Okwa ti omufekelwa oku li ta ningilwa omakonakono kopolifi molwaashi ina yokaana okwa patulula oshibofa shekwatonghonga. Opolifi oya kumaida oshiwana opo shi kale tashi lopota oibofa yomakwatonghonga pefimbo shaashi eshi otashi kwafele opolifi i kale ya ninga omakonakono noupu.
Oshiningwanima shikwao, omulumenhu weedula 23 okwa tambululilwa moshipangelo konima eshi vati a tuwa neembele kukaume kaye pefimbo kwa li tava tanguna. Oshiningwanima eshi osha ningilwa momukunda Simanya moshitukulwa shaKavango West.
Omufekelwa ina kwatwa po molwashi okwa faduka po konima eshi a longa oshimbulu onghee oku li ta kongwa kopolifi.
fhamalwa@nepc.com.na