Opolisi moshitopolwa shaShana oyeshi pondola oku manga po aalumetu yaali taya fekelwa ya yaka oshimaliwa sha thika N$800 000, koMonte Christo omwendhi gwa ziko.
Opolisi yOshana okwali ya manga aalumentu mboka konima yali ya pewa uyelele kopolisi yaWindhoek.
Omulumentu gumwe okwali a mangelwa momukunda Omalala moshitopolwa shaShana nokwali a holola oN$58 000 mbyoka kwali anuwa a gandja kuyina eyimukwatele kEngela moshitopolwa shaHangwena.
Okwa adhika wo a landa iipeleki 22, oosamende ndatu, omweelo gumwe, oopaipi ndatu, oshowo opaala, mbyoka taku tengenekwa ya landwa niimaliwa mbyoka ya yakwa. Iinima mbika oya yi wa nayo kopolisi.
Gumwe okwa mangelwa megumbo lyaandjawo, momuknda Oshinyandhila, mOngwediva nohauto yoPolo Vivo ndyoka taku tengenekwa nayo ya landwa noshimaliwa shoka.
Opolisi oya kumagidha oshigwana shi tsikile okulongela kumwe nayo okumanga aafuthi una ya yono.
Oshiningingwanima shoka osha li sha holoka moshanga shomutenya sho aafuthi yatatu yali ya ponkele oservice yopoMonte Christo koWindhoek nokuya ontuku noshimaliwa shi vule N$800 000. Alumentu mboka okwali ya homata oondjembo noyali ya piti yuukilila yuuka mehala moka hamu pungulwa iimaliwa.
Aafuthi mboka okwali ya yi ontuku nohauto yoPolo ombulau. –vkaapanda@nepc.com.na