Omhangu yaMangestalata mOutapi oya anya opo omuhongigikola ta tamatekelwa okuningila omuhona waye omafitilifo e li futile mo modolongo.
Michael Mukupi weedula 41 kwa li a kwatwa po oshivike sha djako noshibofa shaye osha undulilwa komafiku 27 Maalisa 2023.
Otaku hokololwa omuhongifikola ou ha longo pofikola Tjihozu Combined School moshitukulwa s h a M u s a t i a n i n g i l a omukulunhufikola waye omatilifo kutya ote mu dipaa noshoyo oku mu tukaela.
Ota pangulilwa oshibofa shokuningila omunhu omatilifo edipawo noshoyo okutukana. Eshi a kwatafana naKundana omukulunhufikola pofikola Tjihozu Combined School Lusia Shipiki weedula okwa hokolola ta ti okwa loloka okukala tatukaelwa kuMukupi komesho yovanafikola novahongifikola.
“Okudja omudo 2018 Mukupi okwa kala shito ha tuku nge, ta ti ondi mulodi nokulundila nge kutya ohandi longifa oulingilingi pofikola. Onghee onda loloka shaashi onde mu lidinikila efimbo lile,” Shipiki ta ti. Shipiki okwa ti eshi ofikola ya tameka neudo Mukupi vati okwe mu lombwela kutya ote mu dipaa shaashi okwa pota.
“Okwe uya mombelewa yange ta ti ta dipaa yange nondjebo.Okudja opo onda lopotela opolifi,” ta ti.
Shipiki okwa weda po ta ti omudo wa djako Mukupi natango okwa li a patululilwa oshibofa kovahongifikola hava longo pofikola opo tuu opo eshi kwa li vati e va tuka noku va ningila omatilifo edipao.
“Omudo wa dja ko Mukupi okwa li a kwatwa po eshi kwa li a ku fila omukwashiwana ondjebo,” Shipiki ta weda po. Pefimbo e li mokakuma koshitaashi shopolifi kOshifo, Mukupi okwa dengela New Era ta nyenyeta kutya okwa kwatwa po shi e li payuuki.
Okwa ti okudja omudo 2018 eshi a ka longela pofikola opo okwa kala alushe vehe na ombili naShipiki konima eshi a mona kutya Shipiki ota longifa oulingilingi pefikola.
“Ina ndi ningila Shipiki omatilifo oku mu dipaa ashike onde mu tuka kutya ye elai shaashi oha longo noulingilingi. Ota lundile nge shaashi a lushe oha kala a hala ndi tewa tewe mo moilonga,” Mukupi ta ti.
Okwa weda po ta ti okwa li eli monguduwiliki yofikola ashike Shipiki vati okwe mu kufa mo konima eshi Mukupi a mona kutya omukulunhufikola ota longifa Okwa hokolola ta ti ombelewa yaye omu kwa li a tuvikile oshimaliwa shofikola okwa li ya tewa ashike omukulunhufikola ka kwa li a hala Mukupi a ninge omakonakono.
Onghee naashi osha ka eta opo va kale vehe na ombili naShipiki pofikola. “Omukulunhufikola pamwe novahongifikola ova kala hava ulange kutya ondi wii tava ti Ovacaprivi ovai. Okwa ti ondili novanhu, vo ova kala hava ningi nge nai shaashi ndi heshi omuwambo,” Mukupi ta ti.
Okwa pula ouministeli wehongo opo u kale wa ya mo eenyala moshikumungu eshi shaashi ekwatwepo laye ka li payuuki.
fhamalwa@nepc.com.na