Kansela gwoshikandjohogololo shaNgwediva Endreas Uutoni okwa hogololwa onga omunashipundi omupe gwelelo lyoshitopolwa shaShana.
Uutoni okwa pingene po nakusa Hannu Gerson Kapenda ngoka a hulu ko omumvo gwa yi muDesemba, konima yuuwehame wethimbo efupi.
Uutoni ngoka a li a popi kutya oku na ehalo lyokuninga omunashipundi melelo lyoshitopolwa shaShana okwa li wo a uvaneke kutya otaka longa nuudhiginini oshowo okugwanitha po iinakugwanithwa ye ayihe.
“Otandi gana nokwaako kwandje kutya onda hala nondi na ohokwe yokuninga omunashipundi moshitopolwa muka. Otandi ka gwanitha po ayihe ya nuninwa ndje ndi yi gwanithe po oshowo ndi yi longe,” ta itaala ngaaka.
Ad o l f Uu n o n a k a n s e l a goshikandjohogololo Ompundja, Andreas Amundjindi kansela goshikandjohogololo Uukwiyuushona, oshowo kansela goshikandjohogololo Okatana Edmund Ishuwa, momumvo 2020 oya li ya hogololwa onga iilyo yokomitiye melelo lyoshitopolwa shaShana.
Momumvo ogo tuu ngoka 2020, Uutoni, Kansela goshikandjohololo Ondangwa Abraham Kaushiweni, oshowo kansela goshikandjohogololo Oshakati-East Abner Shikongo oya li ya hogololwa onga iilyo yelelo lyopashitoplwa..
O o k a n s e l a o y o a a l e l i yomiikandjohogololo, mboka taya lele oshigwana kohi yelelo lyaNgoloneya miitopolwa ya yooloka.
Kehe oshitopolwa oshi na iikandjohogololo ya yooloka.
Olundji kehe shoka tashi holoka moshikandjohogololo oshi na okupitila oshowo okupitikwa kookansela, onkene ookansela otaya dhana onkandangala ya simana moshilongo ashihe.
vkaapanda@nepc.com.na