ONGWEDIVA- Asser Nghifiwanghoto gumwe gwomaantu 900 mono onzapo ye oshiwike sha ziko okwa ti, okuna ehalo lyokutsikila eyilongo lye koUnam ihe ota nyengwa.
Nonando Nghituwanghoto (47) oku na uulema mboka we mu tula kokatemba, okweshi pondola opo a mone onzapo yodiploma moshimpungu shoLocal Government studies. Ta ti okwa hala okutsikila ko nobachelor’s mobusiness management ihe oku na uunyengi woshimaliwa. Omulumentu nguka okwa hokolola nkene a ningi omunuulema sho a hupu moshiponga shohauto, e ta kanitha iilonga onga omukwiita metanga lyegamena.
“Momumvo 2016 onda kanitha iilonga, sho nda lombwelwa kutya itandi vulu okushuna kiilonga omolwa onkalo ndili mu yo paife,’’ ta ti ngaaka. Ta ti, shoka oshe mu thiminike a shune kosikola, nelalakano okusendja oshimpungulonga.
Nghifiwanghoto okwa ti, oye tasile oshimpwiyu aakwanezimo ye, onkene I ta vulu okwiifutila kosikola oshoka okashona ta mono oko ta landa na ko oompumbwe ndho megumbo.
“Uulema I ta wu ti, I to vulu, mboka yena uulema nayo otaya vulu okulonga. Okupitila melongo kehe shimwe otashi vulu, sho shoka tandi longitha elongo okulongeknidha onakuwiwa yandje,’’ta po pi ngaaka.
Ta gwedha po ta ti, oshinima ngele oweshi hala no wuna oonkondo na sho otoshi mono.
Tagwedha po ta ti, omanga a mono onza po ye ndyoka, ota tameke okukonga iilonga, nonando ethimbo ndika iilonga oya pumba okuna omukumo kutya o ta mono.
“Otandi indile moshigwana o po ndi yambindhindhwe noshimaliwa sho kutsikila eyilongo lyandje, ondina ohokwe nehalo okutsikila,” ta indile ngaaka.