Amushanga Ndjayi wongundu yoSwapo, Sophia Shaningwa okwa ti ongundu ye oya hala oku galula uuwindji wiititatu iyali mbyoka ya kanithile momahogololo gomomumvo 2019.
Ndhika Shaningwa okwe dhi popi koshigongi shoSwapo shoka sha li sha ningilwa kolukanda lwaTuhingireni mEtitatu. Swapo okwa kala e na uuwindji womawi giititatu iyali oku za momahogololo gomo1994 sigo e ga kanitha mo2019.
Omumvo ngoka ongundu tayi pangele oya mono iipundi yili 63 seats, niipundi yili 33 oya li ya sindanwa po okutopolelwa po oongundu dhompilameno.
Ano Swapo okwa kanitha iipundi 14 oku za piipundi 77 ndjoka a monene mo2014. “Iitopolwa yaKavango oyo iitiyali muuwindji waayambindhindhi yoSwapo ya landula iitopolwa ine yokonooli yopokati. Otu na oku sa oshimpwiyu kutya otwa sindana,” Shaningwa ta ti.
Ta gwedha po kutya Omukokoli Presidente Sam Nujoma ngoka a lele oshilongo uule wiikako itau okwa kala e shishi kutya iitopolwa yaKavango ihayi ndopa oku sindana.
Shaningwa ta ti elalakano oku talela po oshitopolwa shaKavango oku longekidha iilyo yongundu mbyoka yi li pethimbo lyoku hogolola opo yi kiinyolithe momasiku 03 Juni 2024 omolwa omahogololo gopaupresidente nogiilyo yomutumba gwopashigwana ngoka taga ka kala ko mo27 Novemba 2024. Ta ti aa yambindhindhi naya ka hogolole omuulikwa presidente Netumbo Nandi-Ndaitwah, oshowo ongundu yoSwapo. -Nampa