Ovapolifi vatatu moshitukulwa shaShana otava mono epango moshipangelo eshi va tetaulwa nomakatana komunamido 37, e na oudu wopamadiladilo.
Oshiningwanima eshi osha ningwa mOsoondaxa momukunda Ongenga moshikandjohoololo shaKaku.
Kakukutu komatanga opolifi mOshana, Commissioner Naftal Lungameni Sakaria okwa lombwela oshikundaneki shoNampa kutya oshiningwanima eshi osha holoka po lwopotundi onhi-12h14.
Sakaria, ta ti ovanambelewa vane ovali va tumwa keumbo oko kwali omuneumbo umwe ta piyaaneke ovanhu meumbo.
“Omufekelwa okwa ponokela ovapolifi ovo nekatana,” Sakaria ta ti.
Ta ti omupolifi e na ombadi youwarrant officer okwa monifwa oshiponga kokwooko nokokuulu nokwa tambulilwa koshipangelo shOndangwa Private Hospital, umwe e na ombadi yousergeant ye okwa monifwa oshiponga komutwe nokwa tuminwa koshipangelo kOshakati a ka tulwa komafano ku talike kutya okwa ekatana ola ya moule shifike peni. Omupolifi mukwao e na ombadi yousergeant ye okwa mona oshiponga okapulu kelume.
Omupilifi omutine, e na ombadi youcosntable ye ina mona oshiponga shasha.
Sakaria ta ti omufekelwa okwa kwatwa po, nopaife oku li mokakuma kopolifi mOndangwa Police Station.
Omakonaakono opolifi otaa twikile.
-Nampa