Paulina Ndalikokule
Eenhana – Ngoloneya gwoshitopolwa Ohangwena Sebastian Ndeitunga okwa ti aakwashigwana naya hulithe po oku kala ompinge nomahumokomeho ngoka taga etwa kAanamibia oya kwawo.
Ndhoka okwe dhi popi pomwiha gwokugongela oshimaliwa shokutunga oshipangelo shopaumwene shedhina Helao Nafidi Private Hospital, mEtitanio mEenhanha.
Ndeitunga ngoka a yambidhidha noN$3 000 okwa ti ohashi kala esithahoni okumona aantu taya imbi ehumokomeho miitopolwa yawo yene netompelo kutya ehumokomeho ndyoka it li etwa komuntu a za kondje yoshilongo.
“Ope na aantu mboka kaye hole uuwanawa, haya kutha nookuli onkantu yoku ya momapaandanda ya ninge ominyanyo dhi li ompinge moopoloyeka dhaantu yawo yene ashike kaazayizayi ihaya ti kosha, aantu inaya hala oshilongo shiye komeho, nenge Afrika aye komeho,” a ti ngaaka.
Ngoloneya okwa ti opoloyeka ndjoka otayi ka eta oompito dhiilonga kaantu oyendji ypmoshitopolwa, ehumokomeho osho wo okuhwepopaleka uuhupilo moshitopolwa..
Oothigwa nanoona ye li mombumbwe, aakalimo yomOnhuno osho wo oshigwana shomOhangwena otaya ka tyapula omauwanawa gopaunamiti osho wo ehum komeho ngele ondjodhi yokutunga oshipangelo shopaumwene moHelao Nafidi oya tsu.
Eunike Heita oku na omukumo okudhika oshipangelo shopaumwene mOnhuno pehala mpoka a kala nokutekula oothigwa naanona ye li mopumbwe uule woomvula 16 ndyoka a pewele oshali kunakusa mwene gwomukunda Lukas Shinedima mo2008.
Pamwe nomahangano gwopaumwene gwomiitopolwa Oshana nOshikoto oya kala noku sila oshipwiyu oothigwa, aanona yeli mompumbwe na yamwe yena uulema osho wo aantu taya lumbu nomukithi gwoHIV oshali shamuhongi.
Heita okwa ti moshipangelo moka ota mu ka kala osikola yelongo lyopevi yanona mboka, okapanglo koshigwana osho wo oputeka yopaumwene.
“Okapangelo otaka kwathela aavu, unene tuu aakiintu yeli momategelelo. Nashitseyike ngeyi kutya osikola yaanona yoTutekula Children’s Organisation ndjoka yili po opo tayi kala,” a ti ngaaka.
Opoloyeka oya patululilwe pambelewa mo 2022 komunyekadhi omukulu Penehupifo Pohamba ngoka oye wo patolona gwayo, oya pewa nale omundilo omuzizi okuya komeho.
Heita okwa ti oya pumbwa oku gongela oshimaliwa shivule po250 000 opo ya vule oku manitha uuthemba wevi, opulana yomangeshefelo osho wo oku pewa epitikilo lyomathaneko gwoshipangelo oku za kelelo.
“Ondi inekela kutya omweya oku tupa omukumo no ku longela kumwe natse tu ningeni ondjodhi ndjika yoshili tse tu patulule oompito dhagwedhwapo dhomangeshefelo, oompito dhiilonga tatu shendje wo onkalo yomahupilo moshotopolwa Shetu,” Heita ta ti.
Patolona gwoshipangelo Pohamba ngoka a gandja N$20 000 okwa ti, okwa nyanyanyukwa oku mona opoloyeka ndjoka tayi yi komeho oku za nkene ya tamekele, oya gongele oshimaliwa shovule poN$352 000, noku pewa iilongitho yo moshipangelo mbyoka yandjwa oku za koshipangelo shopaumwene shoLady Pohamba kongushu N$ 120 0000.
“Elalakano oku tota oshipangelo tashi vulu oku kwathela aavu pondondo yopombanda. Ota tu ka kwashilipaleka kutya oshipangelo otashi kalundula omilandu dhuundjolowele,” Pohamba a ti ngaaka.
Oya pondola oku ninga omathaneko goshipangelo, oku mona oombaapila dhomangeshefelo okuza kuuministeli wuuhaku noku mona evi lyagwedhwapo okiza kelelo lyoHelao Nafidi no sho tu.
Ondjai Epafras Denga Ndeitwa naye okwa yambidhidha no N$20 000 poshiindingili shina shali woo shawaiminwa komahangano gayooloka, ookamusela naanambelewa.
Egongelo lyoshimaliwa shika olya li lya hugunina.