Aantu oyendji miitopolwa yokonooli, inaya mangulukila we oku longitha ootakisi omolwa aafuthi mboka taya longo onga aahingi yootakisa, ihe nani otaye dhi longitha okuyuga oshigwana.
Ondoolopa ndhoko nooli Ondangwa, Oshakati nOngwediva odha lopotwa ndhina aafuthi taya longitha oompito adhihe okuyuga oshigwana iinima yawo.
Opolisi moshitopolwa shaShana oya lopota oshiningwanima shoka sha holoka mehuulilo shiwike, sho omulumentu gumwe nomukiintu ya londo otekisa okuza kOngwediva yuuka kOshakati, noku yugwa iinima yawo.
Otaku hokololwa kutya sho kwa li ya lefa noku londa ohauto ndyoka, okwa li yaandha aafalelwa yiifundja mohauto ye li yaali, gumwe okuli komeho omanga gumwe eli konima.
Ta yiti, ngoka eli komeho okwali iipopitha mongondhi, ta popi kutya otaka pitula iinima ye, kopate ndyoka yuuka kOshinyandhila.
Ya hokolola kutya, sho kwali ya hingi oshinano oshile kashona okuza mOshakati okwa li ya mono ohauto ya kankamekwa, naalumentu mboka yaali okwa li ya nukamo mohauto ya homata oombele pomake.
Otaku hokololwa kutya okwali ya pulwa ya gandje ashihe yena, okuza koowili ndho kiikeho, oongaku oshowo oongondhi ndho peke.
Opolisi oya ti, okwa li ye ya pula yiitumine oshimaliwa koongondhi ndhawo.
Omulumentu anuwa okwali a tumu N$850 ndyoka oyo ashike yali ko, omanga kombanga yomukiintu ka kwali kuna sha.
Anuwa aantu mboka itaye ya ndhimbulukwa kiipala ka kele kwaangoka ali nayo konima.
Opolisi oya kumagidha aluhe oshigwana shi kale tashi londo ootakisi ndha ndhindhilikwa, naandhoka ndhina oonomola.
– vkaapanda@nepc.com.na