Okaana taka tengenekwa ke na oivike ivali kokaadona oke lituwa ka fya ka ninga e kuma ke li mecooler boxer ka e kelwashi mondoloma konhele yoimbodi.
Okaana oke lituwa Etitatu efimbo longula kovanailonga hava kufa po oimbodi meendoloma momulukanda Hakahana moWindhoek.
Omupopiliko wopolifi moshitukulwa shaKhomas Warrant Silas Shipandeni okwa hokolola ta ti okaana oka monika kovanailonga hava longo okukufa po oimbodi moshilandopangelo.
Okudja opo ovanailonga ova lopotela opolifi nokonima opolifi oya kala nokukonga ouyelele kovakalimo hava di polukanda opo.
Opolifi oya hokolola tai ti omukainhu weedula 32 okwa kwatwa po konima eshi mumwainakadona a ka yandja ouyelele kopolifi kutya okwa kala e na omhepo yokulimangeleka shaashi vati a tila eshi a kupulashi okaana kaye.
Vati konima eshi opolifi ya ninga omakonakono okwa monika kutya omukainhu oo oye mboli a kupula shi okaana kaye shaashi okwa kala e na okaana ashike keka na vali.
Omufekelwa okwa twalwa koshipangelo opo a ka mone omayakulo exungomwenyo shaashi vati ota hepekwa koupyakadi wopamadilaadilo.
Ota holoka momhangu yaKatutura nena (Etitano) eshi ta pangulilwa oshibofa shedipawo.
Eshi a kwatafana naKundana, omuxungimwenyo mouminsteli woukashikekookanhu Selma Shilongo okwa kunghilila ovakainhu opo va kale tava twala ounona vavo koipangelo ngeenge tava hepekwa koupyakadi wopamadilaadilo.
Okwa ti ovakainhu nava ka konge omakwafo koipangelo ile keembelewa douministeli woukashikekookanhu shaashi oku ekelashi okaana kaku shi ekandulepo lomukundu.
Shilongo okwa yelifa ta ti ovakainhu vamwe ohava kala va kwatwa koshinyenu unene tuu ngeenge tate wokaana iha yambidida okaana kaye.
Onghee naashi ohashi eta opo ina yokaana a kale a kwatwa komhepo yokukupulashi okaana kaye shaashi oha kala a lulilwa konghalo.
Caption: Okaana oka hangika ka ekelwa mondoloma yoimbodu moHakahana, Windhoek.
Efano otali ulike ashike