Aakalimo yomOshakati, momudhingoloko tagu ithanwa Extension 16 mOshakati ya hala ya tulwe molugumbo lumwe, ya ikalekelwa.
Dhoka okwali dha popiwa kiilyo ymelelo lyondoolopa yaShakati, esiku yali ya kuutumba lwotango nuumvo.
Otaku hokololwa kutya aakalimo mboka yeli kehala ndyoka lyatalika ko lyoohashikeshalye mOshakati, oya hala omagumbo gawo gatulwa molugumbo lyodhalate
Okwali kwa popiwa kutya anuwa oya hala omagumbo gawo ga tulwe molugumbo oshoka anuwa iimuna yo pomikunda dho popepi ohayi yi momalugumbo gawo.
Mayola gondoolopa yaShakati okwa ti omaindilo ngoka otaga kundathanwa esiku tali ka tulwa po.
“Esiku ndyoka otali ka tulwa po opo ku kundathanwe, omatompelo gomagumbo ga tulwe momuhandjo godhalate,” ta ti ngaaka.
Omukalimo gumwe gomOshakati ngoka ali moshigongi moka okwali a pula kutya oshike omagumbo ngoka gena okwiikalekelwa?
“Shoka otashi ka eta omaupyakandhi pokati kaayamba naahepele. Oshoka koExtention 16 oko kuna aantu mboka yena oondjato dha pama,” ta popi ngaaka.
Ta ti, shoka ka shili mondjila nando. Ta pula kutya oshike Itaaya indile oyene yiimuna ye yi sile oshimpwiyu opo kaayithike we momalugumbo gawo.
Oshilyo shelelo lyondoolopa Jerobeam Ndaamohamba okwa ti natango oya lopotelwa kutya aakalimo yomomudhingoloko moka oyeya po nokangendjo kuusiku.
“Aakalimo mboka yena ehangano lyaakeleli yomaliko mboka haya patolola omundhingoloko ngoka okuza po23h00 yuusiku,” ta popi ngaaka.
Ndaamohamba ngoka hazi komindhingoloko hoka okwati okwakwatwa kuumbanda oshoka aakeleli yomaliko otaya mbukagula aantu. Ta gwedhapo ta ti, aantu oya lombwelwa kutya okuza potundi ndyoka ka pena omuntu ena okuenda
“Okandjo kuusiku hoka okeli ngaa melongelokumwe nopolisi, nenge oya kutha ashike ooveta momake gawo, “ ta pula ngaaka.