Omulumentu gomimvo 46 momukunda Enkavu mOshitopolwa shaShana okwa mangwa po kopolisi sho anuwa a kwata okanona komimvo 16 koonkondo.
Sha ikolela kuuyelele wa gandjwa komupopiliko gwopolisi moshitopolwa shaShana Thomas Aiyambo, okanona hoka oka li ka kwatwa koonkondo iikando itatu omasiku ga yolooka.
Otaku hokololwa kutya okanona hoka okali ka kwatwa tango ethimbo yinagona li a za mo megumbo a ya koshipangelo.
Aiyambo ta ti, omulumentu ngoka anuwa okwali a ithana okanona mondunda ye, eta ti nakalale pombete ye koonkondo.
Ta hokolola kutya okanona okali ka kwatwa koomposi etaka kotha.
Ta ti, okali ka papundhuka moomposi sho kali ka uvu uudhugu wuli kombanda yolutu lwako, nomusaane ta kambadhala oku ka kwata koonkondo. Ta gwedha po kutya, okanona okali ka tameke okukuga ashike shika inashi shololitha omusamene ngoka. Okwa tsikile owala e ta yi nako miihulo koonkondo. Sho anuwa ali a mana okwali e ka lombwele kutya inake shi popya nando okomuntu gumwe, teka ningile omatilitho.
Aiyambo ta ti, omolwa uululume okanona kali ke evite moshinena, okali ka lombwele yinagona, ngoka naye ali eka lombwele kutya inake shi popya oshoka okwa tila omusamane gwe a ye mondholongo.
Oshipotha shika oshali sha lopotwa ashike Etitano lya zi ko. Okanona okapambele komulukandhi nokalukilwanatngo omukulukandhi ngoka.
Moshiningwanima inaashi fathana, omukiintu gwomimvo 22 omukwashigwana gwaAngola, okwa mangwa po kopolisi sho a fumbike ohanona ye nomwenyo. Oshiningwanima osha ningilwa momukunda Omaumba moshitopolwashaMusati, Olyomakaya. Otaku hokololwa kutya omukiintu ngoka okwali a mono okanona noku ka fumbika nomwenyo moshiheke sha kukuta, moka kali ka adhika kasa.
Moshiningwanima oshikwao, omukulupe gwomimvo 64 okwali a si sho imangeleke nongodhi yokuhila oohauto momukunda Okapanda moshitopolwa shaMusati Osoondaha. Okwa tseyika nedhina David Ndalengelwe. Omulumentu gwomimvo 25 naye okwa si sho ali a imangeleke nongodhi yolusheno mondunda ye yokulala mOshakati.
Ka kwali a thigi po ombaapila ya shoka she mu imangelekitha.
Aakwanezimo ayehe oya tseyithilwa
– vkaapanda@nepc.com.na