Victoria Kaapanda
Nonando oyendji ya kala ye li momalimbililo kutya Shiyenga ite ga dhenge pevi mbala monooli, omvula oya loko nawa okuza oshiwike sha zi ko, miitopolwa ayihe yokonooli.
Kundana sho a li a talele po iitopolwa ya yooloka ngaashi Ohangwena, Omusati nOshana, omvula oya loko nawa miitopolwa moka, shoka sha nyanyukitha aanafaalama.
Omvula okwa li ya loko lwotango okuza Etitatu lyoshiwike sha ziko.
Iishana oyina omeya, nomwiidhi otagu ende tagu tsapuka, gwa ziza.
Shilongo Petrus ngoka ali takwata omafuma moshana mondjila okuya kOnampila okwati, omukaga gwa mono ehulilo.
“Omvula otuyi hole, ohayi tu etele omauwanwa ogendji unene kombinga yiikulya,” ta ti ngaaka.
Ta ti, momasiku yataalela otaya ka kwata oohi. Tegwedhapo ta ti, nayi tsikile ashike okuloka nawa.
Maria Shikongo, ayambukile momukunda Onaanda,okwati shiyenga okwedhenge pevi nawa okuza oshiwike sha ziko.
“Omagalikano getu omuwa okwega uvu, onkene ota tu pandula,” ta pandula ngaaka.
Shikongo ta ti, evi ngashingeyi olyanyuta nawa, no ta longekidha okupululitha eepya lye, opo iilonga yetemo yi tameke kuyele.
Ta ti, omimvo dha piti, oya kala haya thiki mokili yena iilya momapya.
“Nuumvo onda hala okulima Iilya no makunde oshowo oofukwa dhandje odhindji, opo ndi vule okukalanditha, ndi mone wo oshimaliwa shoku landa omboloto,” Shikongo ta ti.
Shikongo okwakumagidha aanafalama akwawo, ya galikanene pamwe opo ya mone omoloka omwanawa nuumvo, ya vule okulonga nawa momapya gawo, ngaashi omimvo dha piti..
Sha ikolela kehangano lyokutengeneka onkalo yombepo moshilongo, iitopolwa yimwe yoshilongo otayi hokololwa na yo ya mona omolokwa omwaanawa.
Unene iitopolwa yokUumbugantu oshowo kUumbugantu woshilongo.
Nonando kiitopolwa hoka ihaku limwa omapya, nayo otayi pumbwa wo omvula, okuhipitha iimuna yawo.
vkaapanda@nepc.com.na