Paulina Ndalikokule
Oshiindingili shotango shEtotha Carnival shoka sha longekidhwa kelelo lyOndonga melongelokumwe nuuministeli womidhingoloko nomaendathana
osha tameka ohela kekango
lyomongwa komukunda Onanke moshikandjohogolo Omutele moshitopolwa Oshikoto.
Amushangwa gwomukwaniilwa gwOndonga Manikie Kambonde moonkundathana naKundana okwa ti aantu oyendji oya holoka noya inekela kutya oshituthi otashi ka enda nawa.
“Aantu oya holoka lela momwaalu omunene,” a ti ngaaka.
Oshiindingili otashi lalakanene okunawapaleka uuhupilo waakalimo, oku yumudha po, noku kaleka po oonkulunkedhi dhoshigwana, noku yambulapo omapashiyono, noku eta wo aantu pamwe okuza koombinga adhihe dhoshilongo.
Posheelo shoku ya momaulikilo
otapu ka futwa N$30 kaakuluntu, aanona yeli kohi yoomvula heyali ita ya ka futa manga mboka yevulepo taya ka futa N$5 mesiku. Aakulupe ota ya futu N$10 mesiku.
Okwa longekidhwa ohala gwokulala gwootenda ashike aantu ota ya indilwa ya etelele ootenda dhawo yene.
Omvula yazi ko iikundaneki oya lopotele kutya uulalelo wowina woku gongela oshimaliwa shokulongekidha oshiindingili shoka wa li mOndangwa owa gongelele oshimaliwa shakonda pomiliona N$1.
Elelo lyopamuthigululwakalo gwOndonga, onga omukwashilipaleki omunene, olyuuvanekele oN$500 000.
Ominista yomidhingoloko nomapashiyono Pohamba Shifeta poshiindingili okwati uuministeli, muukumwe nelelo lyOndonga, oyi imanga kumwe okuya po noshiindingili shoka tashi ka kala haashi ningwa komumvo shEtotha Carnival.
Oshiindingili oshatameka nena otashi ka hulu nena. –ndalikokulep@gmail.com