Ombelewa yoshikandjohoololo shaKongo oya yandja omaano omakumbafa koshiwana shovayelele moshikandjohoololo omo onghela.

Ovakainhu ve na ounona vashona ova pewa omakumbafa 50 kukansela wavo Efraim Shipindo.

Okwa didilika oshiwana shovayelele mOkongo shi li momhumbwe yomakumbafa noikulya.

Ombelewa yoshikandjohoololo shaKongo oya dana onghandangala yakula okuyambidida ovanhu ve li moluhepo mwa kwatelwa ovanafikola.

Shipindo okwa tota po oshikefa shokuyambidida ovanafikola ve li momhumbwe, omo vahapu vomuvo va mona oikwafifohongo.

Shipindo okwa ti ota lalakanene okushakeneka epangelo ondjilakati okuyambidida oshiwana.

“Onda didilika oomeme ve na ounona vashona tava hepekwa koluhepo vehe na oidjalomwa noikulya,” Shipindo ta ti.

Shipindo okwa ti opologalama yokuyambidida ovanafikola noututa vokomafimbo onghee ngaa tai twikile.

“Ovanafikola ova pumbwa okuyambididwa opo ve lihonge nondjungu nokupita nawa,” ta ti.

Okwa indila ovanangeshefa opo va yambidide ombelewa nomakwafo nelalakano lokuyambidida ovanhu ve li moluhepo.

-fhamalwa@nepc.com.na