Charles Ndeumane
Kansela gwoshikandjohogololo shaKongo moshitopolwa shaHangwena Ephraim Shipindo okwa ikuthile oshinakugwanithwa sho ku yambidhidha aalandithi yomomapandaanda mOkongo sho e ya pe iipakete yoohi opo ya gwedhe poongeshefa dhawo oshiwike sha zi ko.
Moonkambadha dho ku yambidhidha oshigwana, kansela Shipindo okwa pe aalandithi yomomapandaanda iiapakete yoohi opo ya yambulepo oongeshefa dhawo. Okwa ti okwa okwa topolele aalandi iipakete yoohi mbyoka ya pewa ombelewa yoshikandjohogololo shaKongo kehanago lyaIyaloo Women Investment cc oku pitila muAnastacia Healo.
“Otwa gandja omakwatho ngaka kaanangeshefa aashona oshoka oonkambadhala dhawo otu dhi wete. Otwa hala ya gwedhe poongeshefa dhawo opo iiyemo yi kale yi li hwepo. Aantu mbaka oha ya kwathele oofamili dhawo, oha ya futile uunona oosikola oku pitila moongeshefa ndhika nonande iha ya mono iiyemo oyindji, onkene nayo oya pumbwa omayambidhidho,” Shipindo ta ti.
Shipindo okwa ti ombelewa yoshikandjohogololo oya konga omakwatho opo yi yambidhidhe aalandithi mboka ya adhika ye na shoka ta ya landitha ihe ka yi shi kehe gumwe ngoka ta ti ye omunangeshefa.
“Onda adhika ashike opo nda landa uuhi woondola 30 paife, owo ashike nda adhika ta ndi kanga nena ndi landithe, ngashungeyi ota ndi ka kanga nande oohi ndoondola 100 e ta ndi landitha iimwaliwa yandje, onda pandula unene,” oshowo gumwe gwomaalandithi mboka ya yambidhidhwa a popi ngaaka.