Omukulupe weedula 104 ota ningilwa omakonakono opaunamiti eshi vati a kala noku kwatwa onghonga komutekulu waye weedula 33.
Ota ku hokololwa kutya omukulupe okwa kala nokukwatwa onghonga lwoikando ya yooloka okudja omudo 2023 fiyo oneudo.
Oshiningwanima osha ningwa komukunda Ohongo moshikandjohoololo Etayi, moshitukulwa shaMusati.
Komufala wopolifi moshitukulwa shaMusati, Commissioner Ismael Basson okwa koleka ta ti omufekelwa ohai monduda ya inakulu ndele te mu longele oixuna yopaixulo.
Omufekelwa okwa kwatwa po nota pangulilwa oshibofa shekwatonghonga.
Oshiningwanima shikwao, okaana keedula 12 oka kwa kwatwa onghonga kooxekulu vavali.
Omulumenhu umwe oku na eedula 36 omanga mukwao e oku na eedula 28.
Oshiningwanima osha ningwa komukunda Iilambo moshitukulwa shaMusati meumbo lavo lwoikando ya yooloka.
Okaana oke li mondodo onhi-4.
Opolifi oya ti omufekelwa umwe okwa kwatwa po omanga umwe oku li ta kongwa kopolifi. Natango moshitukulwa shaMusati, opolifi oya kwata po omulumenhu womido 48 eshi vati a kata okakadona komido 17 keenghono. Omulumenhu ou vati okwa taataa okaana, teka indi po noku ka ningila oilonga yomilaulu. Oshiningwanima eshi osha ningilwa momukuna Okaandi. Okwa lopotwa yoo okaana komido ngee ka kwatwa keenghono kokamati komido 16, oshiningwanima eshi osha ningilwa momukunda Okalale moshikandjohoololo shaTsandi.
Oiningwanima aishe ei oya hokoka po momukokomoko woshivike shadja ko nopolifi otai ningi omakonaakono.