Kasi Vibe ǁÂudīb, ǁîb di ûisa tsî ǁkhoaxasib ǀkha a ǂansab, ge nē kurib !aroma ǂNûǁnâiseb !nâ nî hâse ǀaweǁguisa. 

!Kharu ge kurigu !nâb ge Kasi Vibe ǁÂudība ǂauna !nāde kurib !nâ gere hâ, xawe nē kuriba ǀgui !nās ǀguisa 4 sa xu 6 ǂNūǁnâiseb dis ai, Sam Nuyoma ǂAi!gaiǂgāb, ǀAeǁgams di Katutura ǁanǁguib !nâ ǁgoeb tawa nî hâ. 

Nē ǀkharaǀkharasib ge ǂgui dîsende ǁnaetisa ǁhao-aon tsî musik-e ǀnam khoena xu ge ǂoaxa kai. Salmi Shigwedhas, mîgowaba-aos Kasi Vibe ǁÂudīb dis, ge VIBEZa! ge mîba, aiǂhomi ra !nans !aroma i go ǂhâbasa isa, ǀnîkhami ī ǀkharaǀkharasina ǂgâxa-ūsa, ǀkhara aiǂhomi-aon tsîn ǁkhā ǁaxasiga ra ǂgâxa-ūs a xui-ao. 

ǂOa ge kurib di ǁâudīb ge ǂNūǁnâiseb !nâ ge hâ i. “2024 ǁâudīb ge katuturas di ǀoro tsēdi ǂâiǂâisende nî oahā-ū nē kurib di ǁâudīb !nâ-ū. Nē kurib di ǂgaiǂams “Oahā-ū kasi hō!âsa” ti hâ. 

ǁÂudīb nēb ge !kharaga ǁaxasina nî !khōǂgā, aiǁgause ǂnuwisa xūn, ǁnaeb tsî ǂnāb tsî !kharaga!nâgu ǂûxūn tsî āxūna,” tis ge ge mî. 

Aiǂhomi ra !nans ge ǀgaisase go -ǁaxa i, ǂoaǂamsa xūn !nâ-ū ǀuruhe ǁoasa hō!âsa ǁhao-aona māsa. 

“Tsî gu go ǁnâi aiǂhomis sîsenga a toa, os ge dīb !âb ǀkha da nēsi a ǁaxasa. ǁNâib ge nēba a ǁnā ǁ-ae, nēsits hâ a !ēsa sîsenū tsî sa ǂgâ-ūs karde Webtickets tawa a ǁama ǁkhās diba,” tis ge Shigwedhasa gere !gā!gā. 

Ai!âts nē kurib ǁâudīb tawa a !âubasen ǁkhān ge ǁkhoaxa !oabade hōs tsî !kharaga xūna ǁamaxū-aona xu hōsa,” tis ge gere mî. 

!Kharu ge disiǀgamǀa Kasi Vibe ǁÂudīgu ge ǀhaob ai 150 000 ǁhao-aona ge ǂgaeǀhao hâ i. 

Kasi Vibe ǁÂudīb di !uru !âubasens ge ǂharugutsoatsoasa ǂgaoǂgao!nâs, ǀasa ǂharugub ǂâiǂuiǀgaun, ǂkhamkhoena ǀgaiǀgais, tsî !kharaga ǂharugu-aon ǁaegu hâǁareb !nâ-ū ǂandi tsî ǂâiǀgauga ǀgoragus hâna.