Namib MILLS,kampani zimwe zakara azi gava nondja moNamibia ngesi zina gusamo usura ou wokugenyeka tupu toil rumbororo moyitora yaNamibia neyi yaSouth Afrika.
Etokoro lyangesi kuna wizapo morwa nombudi dina kulihanena asi usura ou watum=nda koNamib Mills Yiwo una retesapo nomfa dovasesu gona ava kavadogorokere vatatu ntani gwaune kavakamukonderere mosipangero mosirongo saSouth Afrika moutano kaupitire.
‘’ Namib Mills kuna vagumu sihorokwa sangesi koyitundwamo yina kulihanena mwaza sirongo momavango gonombudi omu vanona vatatu kavadogorokere mo Eastern Cape zomoSouth Afrika konyima tupu opo kavalire nondja edi kavaterekere membo lyawo dorumbororo.
Nombudi kuna kara asi simwe somuzangu gwetu avatereke rumbororo kunakara asi simwe vana kugazarera, yimo vana kutanta ngoso vaNamib Mills mugavi mbudi gwawo Marne’ Bouwer. Montumwaraka nye kavatumine mosondaha, Bouwer kagwedereko asi posiruwo nye apa tuna kara ngesi asi kwato umbangi kosihporokwa sangesi, awo vaNamib Mills kuna kuyigusa eyi nomukumo. Mokulipopera ose tuna tura nare etokoro asi nayinye eyi twarugana nare yahepa kutundamo monorake doyitora ntani vahayirandesa hena siruwo oso makona kono gana kutwikira. Eli etokoro lyopangenderera lina kara, morwa ose kwatura asi varandi yiwo pomuhowo. Ose kuna kuruganena kumwe nowo vana kukona kona simpagwa esi, nampili nyamwetu nose tuna turapo makonma kono getu, yipo asi tugwane nawa nawa asi yinke kayihorokere, yimo ana kugwedako Bouwer.
Mokukwama nye vaporosi womoSouth Africa, mugavi mbudi gwawo katente asi munona gomakwedi 18, ntani nomvhura ne ngoso, katamekere kusivana asi kuna kukora mazimo konyima tupu apa kalire nondja odo, dorumbororo.
Sihonena sorumbororo oro nare vana rugusa vakakonakone kolaboratory zomosouth Africa.
Mbudi zomapukururo zina kutunda koSPAR kazimonekere momapeu omu kavageve asi usura ou wo instant porridge vahepa kuugusamo moyitora nayinye dogoro makona kono ngagapwe nokutanta asi yinke kayreteserepo nomfa edi ntani ngavatameka kuyirandesa.
Namib Mills kageve mbudi zendi zoruguwo kovanekro owo yina gumu yonomfa edi dovasesugona. Ntani kampani kazitente asi awo kwalituramo mokusikisamo noveta dokuzangura nondja moomu dakarapo. ‘’
Eyi aturugana ose kwakara mekeverero lyenene, ntani kapi kuyikona kona nkenye apa rambangako nomahina odo aturuganesa yimo ana kutanta Bouwer.