Namibiab tsî Botswanab hâkha ge īǁkhāsin hoana ôa!nâ!kharu toahâ, ǁnāti ī īkhāsib ǂgaoǀkhādi hoadi ai ra dīǀoaǀoa ǀhûǁaresa ǁkhana!oabasa, nē kurib di ǀams ai!â nî ǂhanusise ǂanǂanhese, tib ge sîsengu tsî !nari!oabadi ministeri Veikko Nekundiba ge mî. 

ǀGūǁaeb ge NBCs ǂhôan !âb ǀkha ǀūhâ i dî!nâǁgamǁares !nâb ge ǁîba ge mî, ǂâiǀgaub hîa ǀhûǁare hâse ǁkhana!oabasa tsoatsoas dib, hâ a huisenxūna ǀhaoǀhao tsî ǀnûgus !nâ a hâ ǁkhā ǀkharisi ǁkhana!oabasa ūhâsa, nau ǁkhana!oabadi !oa-ai ǀnûgus !nâ mâǀgai ǁkhā tsî aitsama a tanisen ǁkhāsa. ǀ 

Aweǁguib !oagus ge nēti ī ǁkhana!oabasa ǀnai nē kurib di Hôasoreb ai !oabadi âs ǀkha nî ǂnāǁnâ. Ethiopiab ǁKhana!oabas ge dīǀgaugu ǀkhāb di !âǀhuru-aose nî ǂgâxa. “Sida ge Botswanaba ǂhabase a dīsa ôa!nâdi nē ǂâi!nâhe 

ra ǁkhana!oabas ǂnamipe ge ǁgui-ai!â, tsîn ge kō!gâs ǀkha a ǁaxa-ū. Sao ra wekhegu !nâ da ge ǁîna xu !ereamsa ra !âubasen. Xawe, nē ǀgam !hūkha di ǁkhana!oabas di ǂnuwis ge ǁawosasib ǀkha !goaxa,” tib ge Nekundiba ge mî. ǁkhana!oabas ge tsoatsoas âsa !hū!nasise nî tsoatsoa tsî ǀgui ǀkharisise tsî !auga!hūsise nî ǂoa. 

Tsoatsoas ǀkhas ge ǁkhana!oabasa ǀaweǁguiba !oa 700 !oahâ sîsengu tsî !oa hâ tama 500 sîsenga nî ǂnuwi, !narisarimas !nâ-ū nî !oa ra !auga!hūgu ǁga ǁkhana !oabadi ǀkha sâuǁkhāsiba hoa !hūgu !nâ omkhâis ǀkha. 

“ǁÎ!nāpe hâ a ǀoro !oabade nî māhese i khoen ǀkha ǂâuǀoa tama xūn ǀkha ǀnûgus soas !nâ, kha 

ge Namibiab tsî Botswanab hâkha, ūkha hâ xūna ǀguipa ǀhaoǀhao tsî ǀgaisa tsî a mâ!kharu ǁkhā, hâ a ǀnûgude ǁkhana!oabasa ra ǂnuwi. 

Nē ǀgaub ǀkha kha ge nē !hūkha !amǁaresa ǀomkhâis ai ǂâisa ra ǂnûi, ǀguriǀguri mâ ǂgaos soas !nâ. 

ǂOa ge kurib !nâs tsînas ge !hūb di ǁûs, Nandi-Ndaitwahsa ge ǂanǂan, !hūb ǀaweǁguiba ūhâsa, ǀasa ǁkhana!oabasa Hôasoreb 2026ǁî kurib dib !nâ nî ǂhanusise sîsentsoatsoa kaisa. 

Nausan nē ǀasase ra ǂâi!nâǁguihe ǁkhana!oabas ǂnamipe ǂgui!nâgu ǂâiǀgauga ge hâ i, ǀnîn marisise ge taniǁoa tsî sîsengu âsa a ǂganamhe ai!âkam !hū!nāsi ǁkhana!oabas, Air Namibias, ǁkhawa ra oahā-ūhe ti gere mî, xawes ge Nandi-Ndaitwahsa ge mî, nēs īǁkhā tide tsîb ǂhanuba ǀasa ǁkhana1oabas hîa marisise aitsama nî tanisen ǁkhāsa ra ǂâi!nâǁguisa.