Omulumenhu weedula 39 okwa xulifa konima eshi a wila momulonga  komesho womulukadi waye nounona. 

Oshiningwanima mexuliloshivike komukunda Kakoro moshitukulwa Kavango West efimbo lokomatango. 

Nakufya okwa tongololwa oye Ndumba Aushona omukalimo womomukunda Kakoro.

Omupopiliko wopolifi koshitukulwa shaKavango West, Chief Inspector Raimbert Muronga okwa ti omulumenhu ou okwa li ta kendabala okutauluka omulonga.

Opolifi oya hokolola tai ti Aushona okwa li e li nomukulukadi waye nounona vavali. Nakuninga oshihakanwa okwa fiya omukulukadi nounona komukunghulo womulonga omanga kwa li tatauluka  omeva.

Olutu laye ola kufwa mo momulonga.

Opolifi oya kumaida oshiwana opo shi ha tauluke vali omulonga molwashi osha nyika oshiponga.

Oshiningwanima shikwao, omukainhu weedula 21 okwa tambulilwa moshipangelo konima eshi a tuwa nombele komutwe komulumenhu womushiinda shavo.

Oshiningwanima osha ningwa komukunda Katara koshitukulwa shaKavango West efimbo loufiku.

Omufekelwa ina kwatwa po, nomakonakono opolifi otaa twikile. 

-fhamalwa@nepc.com.na