Lucas Tsamseb a shivika nawa nedina Irivari okwa dja mo modolongo konima eshi a ninga eedula mbali mokakuma koshitaashi shopolifi kOshivelo, mOshikoto. 

Okwa dja mo makakuma omwedi wa dja ko noshibofa shaye osha undulilwa komafiku 1 Januali 2025 opo ku ningwe omakonakono. 

Irivari ota tengenekwa e li pomido 25 nokwa shivika nawa okupitila komalungula molwouvidio vaye hau n y a n y u k i f a oshiwana. 

Opolifi oya hokolola tai ti Irivari okwa li a kwatwa po konima e liteela melimba nopolifi omo hamu tulwa oinima ei hai kufwa ovanhu ngeenge va hangika noinima oyo inai pitikwa okupita peinda lopolifi pOshivelo. 

Vati Irivari okwa longifa oshitenda nokuteya omuvelo welimba, nokonima okwa kufa mo oipakete yomalodu ouwhisiki itatu. Oshiningwanima eshi okwa li sha ningwa efimbo loufiku. 

Irivari okwa li yoo vali a kwatwa po momudo 2021 mekwatafano loshibofa shekwatonghonga omo kwa li ta ku fekelwa kutya okwa kwata omukainhu onghonga. 

Okwa li a pewa e lifutile mo modolongo noshimaliwa N$2 000 konima eshi oshiwana she mu yambidida noshimaliwa shokulifutila mo modolongo. 

Irivari okwa li a mona omhito yoku tameka ofikola ashike ofikola okwei twa okati. -fhamalwa@nepc.com.na