Charles Ndeumane 

Ngoloneya gwoshitopolwa sha //Kharas Aletta Fredericks okwa kumagidha aaleli naawiliki yuuministeli ya kale haya itula mo ngele taya tula oopoloyeka miilonga opo ya kwashilipaleke kutya odha pwa pethimbo. 

Fredericks okwa li ta popi ngaaka pethimbo a patulula pambelewa oshigongiilonga shuuministeli wuunamapya nuuniimuna mondoolopa yaKeetmanshoop moshitopolwa sha//Kharas oshiwike shika. 

Ta ti aaleli naawiliki moNamibia oye shi okutotha oopoloyeka dhomayakulo nomahumokomeho ngoka ga pumbiwa ashike kehulilo lyesiku oopoloyeka ndhoka iizemo yadho ihayi monika. 

“Ondi inela shika kashi shi ashike oshigongiilonga shoku ndhidhilika iilonga mbyoka mwa longa naambyoka inaamu longa muule wethimbo ndyoka mwa li muna okuyi longa ne tamuti omweyi mana. 

Osha simna oku tseya esiamano lyiigongiilonga yoludhi nduka oshoka onga Aanamibia otu shi nawa oku etapo iinyangadhalwa ya yooloka ashike ngele tashiya poku yi tula milonga ot tu ndopa. 

Ond i i n e k e la ku t y a oshigongiilonga shika otashi kambadhala oku konga omikalo dhoku endelelitha oopoloyeka opo omayakulo geye koshigwana pethimbo,” Fredericks ta ti. 

F r e d e r i ck s okw a t i oshigongiilonga shoka osha simana oshoka ompito ombwaanawa kuuministel i wuunamapya nuuniimuna, omeya netulululo lyomavi oku ndhidhilika omashongo ngo wa taalela, ashike ongele ashike taya longo noshili yoyene moku talulula oopoloyeka dhawo. 

Anuwa uuministeli nawu kambadhale oku ndhidhilika omashongo goshili ihe hainima yanathangwa. 

Nonande oshitopolwa sha// Kharas anuwa ompumbwe yomeya oyo ya dhenga unene oshitopolwa sha//Kharas, Fredericks okwa pandula uuministeli molwa oomboola dhomeya dhili 22 ndhoka uuministeli wa fulu moshitopolwa moka momayalulilo gomumvo gwaziko. 

“Nonande oshilongo shetu ota shi pitile methimbo edhigu lyoshikukuta nombelewa yandje ohayi mono omakemo ogendji gaakwashigwa molwa ompumbwe yomeya, onda hala oku ninga ethindilemo kutya uuministeli wuunamapya nuuniimuna, omeya netulululo lyomavi otawu longo wiitulamo, iilonga yeni otuyi wete”. 

Omukuluntuwiliki guuministeli wuunamapya nuuniimuna. 

Omeya netulululo lyomavi Ndiyakupi Nghituwamata okwa ti elelo lyuuministeli otali ka nkondopeka ekwatathano lyawo naakalelipo yawo moshitopolwa moka oshoka oyo haye ya kwatakanitha noshigwana. 

“Ngele katupo oshigwana itashi mono omayakulo guuministeli, tse otwa pewa iilonga mbika nelalakano limwe alike, oku eta omayakulo koshigwana,” Nghituwamata ta ti. 

-mrndeumaneraycharles@gmail.com