Auleria Wakudumo
Ongudu yoRally for Democratic and Progress oya pitifa omushangwa womaudaneko nomafaneko ayo (manifesto) omahoololo.
Epitifo eli ola ningwa Olomakaya mOngwediva.
Omupresidente wongudu Mike Kavekotora okwa ti ongudu otai ka kwashilipaleka kutya edu olo lali la kufwa oshiwana pefimbo loukoloni, otali ka shunifilwa oovene.
Nonande oshilongo sha manguluka, osha yela kutya ovanhu inava mona edu lavo olo va lwila.
Kavekotora okwa ti okwa udila nai Ovanamibia eshi vati va pa eenghono Swapo oule weedula 34 a lele oshilongo nonande vati Swapo iha wanifa po omaudaneko aye.
“Namibia oshilongo shina omaliko mahapu, shina ovanhu vanini, ashike nande ongaho, 70% fiyo 80% dOvanamibia odili moluhepo,” Kavekotora ta ti.
Kavekotora okwati vati omwaka pokati kovafyoona novakengeli onghene tali twikile lauka pombada.
“Ohashi pewa wa mona Ovanamibia veli poshi yeenhopa tava li meendoloma voo tava xupu mokulya oipa yoikombo,” Kavekotora ta ti.
Kavekotora okwa yandja oshihopaenenwa shovanhu va xulifa moitukulwa itatu, O maheke, Ohangwena noKavango kondjala novaChina tava longifa Ovanamibia ngaashi va hala medu lavo.
“Eshi oshidjemo shelelo laSwapo, olo mwapa eenghono li lele oshilongo ponhele yeni,” Kavekotora ta ti.
Voo koRDP ova mona kutya vati Swapo okwa kanifa elalakano laye na keshi vali kutya emanguluko oshike.
“Swapo iha fikamene po vali eemhumbwe doshiwana shaNamibia. Okwa fyuulula omufyuululwakalo wa puka, wokuli yambapeka,” Kavekotora ta ti.
Kavekotora okwati ongudu yavo otai eliko loshilongo vati inali tulwa momulandu wokuhanga efikilo neeveta deliko inadi totwa momukalo omo Ovanamibia tava mono omauwa mahapu.
Swapo vati okwa hepeka oimaliwa momaumbo koshi yoproyeka yo mass housing shaashi vati ve wete kutya efimbo lomahoololo nakavena vati eshi tava ulikile ovakwashiwana.
“Swapo okwa landa omashina okolutenda itaa kwafele koChina shaashi vati India okwa kwafela oshilongo manga inashi manguluka,” Kavekotora ta weda po.
Ongudu yoRDP oyati vati ohai tale nghene eliko loshilongo tali kulu opo keshe umwe moshilongo a kale ena onghalamwenyo ili xwepo.
“Onghene ohatu ka longifa eliko loshilongo opo li dule okukwafela Ovanamibia aveshe,” Kavekotora ta ti.
RDP otati kutya ota indile opo a pewe omhito nota pula Ovanamibia va hoolole RDP unene tuu moipambele yokutota oveta nokukaleka po oveta momahoololo ta eya 27 Novemba 2024.