Otjitamba tjombirivate atjiyerike katji tja sere okuhonaparerapo mongorongova nombwiko yehi mOnamibia.
Indi eembo rwokomurungu rwovita rwomunane wOlandless Peoples Movement, Bernadus Swartbooi. Momboronganisiro yotuyano nozondando zotjira nḓa kwizikirwa omatoororero omueze mbu mau yende yOperesidenda nouṋepo wOmbongarero yOtjiwaṋa tu twa tjiukisirwe omayuva womasuviro womayandero womueze mbwa zuko mOmbwenge tja Kavango Koutjiro.
OLPM itjimwe tjovira tji tji he ri otjo atjiyerike okuraisa porwara okuhina ongamburiro kwatjo momakawondjisiro wongorongova otja komuano wovisepambinḓu, mbu kuza Ocapitalism (omananen onge kawondjisiwa i yovatumbe).
Swartbooi ma tja omasepiro wombinḓu nga ya tuurunga mominyo vyotjiwaṋa tja Namibia.
Posi ya ngunda ape ri nao mouatjiri kape munika ombwiro ndji kuza omasepiro wombinḓu (capitalism) ngy ya yeta. Nungwari orukoka rwomasepiro wombinḓu nomapundiro wouini nge kayendisiwa i yoruwano pokati i yotjihoromende tji tji nana novisepambinḓu novasekame vozonganda ozombirivate mouye.
“Oure wozombura o-34 nḓa kapita, ovisepambinḓu ookatama neyo imbi, okapapu ketu otji keyendayenda, vya ungurisa ozomburo zotjiwaṋa na wina otutu twehi ouhazendu navi nau wisire Ovanamibia ovengi monḓomo.” Kutja kundino ndi otjiwaṋa tji kakatere mondondo ohimise moukaiya, ouhepe woviungura nokuhino’nḓekasaneno, ozongaro nḓe hi nomayezerero okusasanekwa nandarire ku inḓa zomahi wOkomamuho wevaverua. “Ngunda Omasepiro wOmbinḓu rworuveze rumwe aye tangwa otja ndjiri ombupise yomaihi nouitji, ongamburiro yokutja outumbe mbwa nikorwa okutuurungira momuano wokurihupisa mbwi harukuru mau pwire ovakwatera avehe wa raisiwa kutja otjotjisenginina uriri,” Swartbooi ma tja.
Munao ehi poo ohoromende o tjiina omerizirira woporotika womekurisiro wongorongova no ku iha¿ununa nu munao okuyandeka ousyona nokuhino’nḓekasaneno ndja worokota. Ehi poo ohoromende kai sere okurira onda rere uriri aya pata omake mumwe po siya mai sokurira ombambairi nokurirunga otjongurise. “Mai sokupukata orupa rwondanaukiro norukuture- mena rokutja ongutukiro yombwiro nombwiko i zikamena kotutu twehi (twohoromende) movimbambanga ndji mai ri rungu okutumburira ozomburo zombwiko monḓero yovatatumisiwa; ovahumbwa novahendekwa motjiwaṋa.∫