“Turimuro matu ṱire muro”, okaimburiro ke tja konganda ya Tjimana. Nu nai ka uto’kuimbura okuraisa kutja ondiwo ya tono okuyenda kEpukiro komazemburukiro wozombura esere woresevate.

Okunyonganyonga ookukavaza ape nai kwa sewa omayuva wokuungura hamboumwe uriri keke. Kovitjitwa mbi mavi utu Omandaha, tji ye ri yane ku Tjikukutu ngandu Oroviungura tji ye ri muvyu. 

Ovasembamise va ri nombura aihe ombomba okuvirongerisa okuza keningira rwOmbara Turimuro Hoveka wOuhonapare wOmbazu wa Hoveka, ombura ndja zuko momueze Tjikukutu, tje ya nourizemburuka mbwi na yandja otjiungura kovaungure. Kutja otjo matji pu vi otjovandu mba ri nombura aihe ombomba, ovandu auhe okukerimwina omuini. 

Pendje nomatokero wouye wakandino wa kaukurira kuhaha nokupizira ehi noruuma mu kangamwa otjiṋa ndoovazu ondunge oya kaaṋi ngo ngu he ri ove, otjitjitwa hi katji ya heruka korutenda kaparukaze nu tja kengama otja tji tja tanderwe. 

Nandarire mombata yowina pokati ka imba mbu mave munu kutja orutjindo rwa ri orwOvambanderu, na imba mbu mave munu kutja rwa ri orwovandu evehe nozongandanganda nu munao karu sere okutjiukirwa komuhoko poo otjiwaṋa tjimwe.

Kuza otjipurukise tja uro’ mbanḓe nu na otja tji tja iririra tja hara okupambaha ozombura esere nungwari orutjindo rwa Pukiro maru zemburukwa. 

Otjikando hi omundu nambano au hi nokutjiwa kutja tjii hapo otjipurikse tji tja uro’zombanḓe novanane tja tjita vi? Imbwi outi wa Mbeto mbu heewa wa Pukiro nu wa ini vi nu u pi? Pu pe novarumendu vari ape ha ṱu otjiṋa? 

Tjinene muwo mu mu na mbe munikwa nokuvarwa pondondo yokombanda ngandu mozondunge ozombaera, Ongooneya Pijoo Nganate nOrata yOkarukondwa kOmatoororeo ka Pukiro Paki Pakarae. Nozombara nozorata zazo?

Mu vyarwe ovingi mape kakara omatwapero woruzenga kOmuyaruke Ombara Nikanor Katookui Hoveka, eye ngwa hongororere orutjindo ndwi mu mwa ri Ovambanderu nOvaherero nozonganda zawo pekepeke.  

Nguri morumbo rwa Maueuozonjanda rwonganda ya Tjimana oro nai ndu mape ya aru rire otjirumatwa tjehi.