Omueze mbwi Tjikukutu tji u kara mEpukiro u tjiukirwa kotjiṋa tjimwe, ngeri omayamberero wonganda ya Tjimana.
Owo ombura indji ngu maye tjiti ozombura ape o-73 okuzira kombakero yomuhona worutjindo kEpukiro okuza motumbo tuo haungaiti, Nikanor Katookui Hoveka mo 1951.
Po siya eye aheyeri nguri omundu omutenga worutjindo okusuvisiwa muro omuetnga ayeri Kondijombindu Tjituka. Ingui wongombe onguzi Omauezonjanda tji tjiukue otja Kambingombe.
Omayamberero ombura indji ngu ma ye munika ayo maey wire muna omazemburukiro wozombura esere zorutjindo rwa Pukiro rozondekurona zOtjiṱiro Otjindjandja okuza motumbo twohangauti kombunda yovita ku nohoromende yohuurire yEhi rOvandoitji mbya hara okuyandeka Ovaherero.
Posi ya kavi ṱonḓema, epaha ari handjauka mOnamibia momahi onguza ngamba mu riturira, muwo mu mu nEpukiro Ombara Nikanor Katookui Hoveka ka twara tjiva ngunda Ombara Hosea Katjikururume Kuṱako aa twara tjiva kOmongua.
Ndino ndi mEpukiro mu sembame Orumbo rwOzombanḓe tjimuna orukwao mOkahandja. Okuza mo 1923, ndji ri yomakotororero womaṱupa wa Samuel Maharero, omuhoko nga kundino mu Katjose ombura aihe u ute okukayambera kOkahandja. Kutja ndino ndi Okahandja tjrire ongumbiro yOvaherero na rimwe rwomatjo wawo wozombangaṋe poo ozombanḓe.
Ozombura azehe nḓa, nḓeri kombanda yomirongo muvyu, omuhoko otji u yenda kutja okOkahandja, Epukiro na karwe, tjimuna Omaruru okukazemburuka ozombangaṋe zawo.
MOkahandja mu mu na Samuel Maharero, mu varwe, ngunda mEpukiro, mu varwe ovengi, a mwa suvisiwa Nikanor Hoveka.
Oritjaine nda zuko Ombara Turimuro Hoveka otja zeuparisire kOtjirata tjOtjiwaṋa tjOvirumatwa ohepero yorumbo ndwi okuririsiwa otjirumatwa tjehi.
“Rwa zikamisiwa okuyandja ondengero kovaheṋendu mba kara nohambwarakaṋa yotjivara kombwiro ya Pukiro momiano pekepeke.
Ombongo i nozombangaṋe zovarumendu novakazendu mba kara nohambwarakaṋa otjovanane vombazu; ovature ovatenga va Pukiro; ovanazongetjefa,” Ombara Hoveka ma zeuparisa.
Otutu pekepeke tu toka ohoromende ya Namibia nOyehi rOvandoitji okusembamisa ozombindi zomakuruhungi wOtjiṱiro Otjindjandja kutja aye ha zembwa nu wina kutja ye ute okuhongwa mozosikore.